اسكريبت زواج مصلحة بقلم رحمه رضا

ايوه .. عاوز ايه 
كريم ما تتكلمى كويس يا لينا ... انا غلطان انى بتطمن عليكى
انت هتعيش الدور ... بتتصل عليا الساعه 12 بالليل علشان تطمن عليا ... روح نام يا كريم علشان تصبح فايق
كريم على فكرة انا كنت بتصل علشان اقولك ان الفرح هيبقى الاسبوع الجاى
فرح مين 
كريم فرحنا يا قمر
فرحنا !!! لا طبع....
كريم على فكرة انا مش باخد رأيك .. انا بعرفك بس .. يلا تصبحى على خير

قفل السكه فى وشى ... طب والله لوريك يا كريم ... اووووف .. انا ايه اللى عملته فى نفسى ده يا ربى
نمت وانا بتوعد لكريم ... صحيت تانى يوم على رنة موبايلى ... بصيت فى الساعه لقيتها 6
الو
صحيتى ولا لسه 
لسه .. عاوز ايه 
مفيش بأكد عليكى المعاد ... هجيلك على 8 ونص
كريم ... حرام عليك يا مفترى ... بتتصل عليا الساعه 6 علشان تأكد عليا المعاد ... حسبى الله و نعم الوكيل ... ده لما نتجوز انا هطلعه على عينك
ههههههههه ماشى يا لينا
قفلت معاه و رجعت نمت تانى و صحيت على 7 ونص
اخدت شاور و فطرت و لما بقت 8 قمت لبست دريس اسود فيه ورد زهرى  لحد تحت الركبه بحاجه بسيطه و فردت شعرى و اكتفيت بروج بينك هادى و بودره ... وقعدت استنيته ....
الساعه بقت 9 الا تلت وهو لسه مجاش ولا اتصل عليا حتى ...طب والله لوريك يا كريم
خمس دقايق و لقيت جرس الباب بيرن ... قمت فتحت لقيت ....
كريم !! ... نهار اسود انت ايه اللى طلعك ... انا مش قولتلك متطلعش و استنانى تحت
كريم بصلى ببرود انتى خاېفه من ايه 
ېخرب بيت برودك يا اخى ... خاېفه من ايه ... يعنى لو حد شافنا نازلين مع بعض من شقتى و كل اللى هنا عارفين انى عايشه لوحدى ... عايزنى اقولهم ايه 
كريم ببرود متقوليش حاجة .... خطيبك وجاى ياخدك فيها حاجة دى 
فيها حاجات ... انت متخلف يا كريم محدش هنا يعرف و بعدين خطيبى ازاى من....
كريم بغض النظر عن شتيمتك ليا ... انا ميهمنيش كلام الناس
ما هو محدش هيتكلم عليك ... لما يتكلموا هيتكلموا عليا انا لأنى بنت
كريم بصلى بهدوء يلا علشان منتأخرش
اتنهدت بتعب واستسلام من بروده و اخدت شنطتى و قفلت الباب و نزلنا ... ركبنا العربيه و مشينا .... واحنا فى الطريق .....
كلمنى على اهلك
كريم بابتسامه ماما فيروز دى اطيب واحن واحده هتقابليها ... وعندى اخ اصغر منى بتلات سنين اسمه اياد ... بس ايه بقا مقولكيش ... مش بيصاحب غير البنات ... كانوا بيقولوله زمان برنس الجامعه
ههههههههههههههه يااااه للدرجادى !
كريم هههههه وعندى رهف و منال ... رهف متخرجه من هندسه و منال فى رابعه صيدله.... دول بقا مواراهمش حاجة غير انهم يرغوا مع بعض طول الليل والنهار
هههههههههه ... عندك كام سنه يا كريم 
كريم 32
بصيتله بدهشه ومتجوزتش ليه لحد دلوقتي 
سكت و مردش عليا فهمت انه مش عاوز يتكلم ف سكت انا كمان ....وصلنا بعد نص ساعه ... القصر كان شكله روعه من بره ... اول ما دخلنا كنت متوتره جدا و بفرك فى ايدى ....كريم مسك ايدى و بصلى بابتسامة ودخلنا