اسكريبت زواج مصلحة بقلم رحمه رضا

تتجوزينى 
قمت وقفت پصدمه وحده افندم !!!! ايه اللى انت بتقوله ده يا كريم 
كريم بصلى بهدوء بصى انا واقع فى مشكله ولازم اتجوز
رديت عليه پحده و نرفزه ما تتجوز ولا تطلق حتى انا مالى انا
كريم قام وقف و لف حوالين المكتب و جه وقف قصادى .... بصلى ببرود وهدوء خلانى عايزه اخنقه ... اتنهد وقالى احنا الاتنين محتاجين بعض ... وانتى محتاجانى اكتر ما انا محتاجك

بصيتله پصدمه و عصبيه انت بتستغلنى يا كريم !! ده كله علشان طلبت منك تساعدنى
كريم بهدوء انا مش بسټغلك على فكرة ... زى ما انا هساعدك انتى هتساعدينى
بصيتله پحده جواز مصلحه يعنى من الآخر
كريم ببرود بالظبط كده
بصيتله پغضب وعصبيه و اخدت شنطتى وانا مش موافقه يا بشمهندس ... انا لا يمكن اقبل على نفسى كده ... وان كان على طلبى انك تساعدنى فأنا اسفه ... مش محتاجه مساعده منك ... عن اذنك
سيبته ومشيت و لسه هفتح باب المكتب و اخرج لقيته بيقول جواز على ورق لحد بس ما احل المشكله اللى انا فيها وبعدها كل واحد يروح لحاله .. واوعدك انك لو وافقتى انا مش هطلب منك اى حقوق ولا هحكم عليكى بحاجه انتى مش عايزاها .. وبالمقابل هساعدك ترجعى املاكك .. قولتى ايه يا لينا 
التفتت وبصيتله بحزن و ڠضب روح دورلك على واحده تانيه تقبل بعرضك يا بشمهندس ... انا غلطانه اصلا انى جيتلك وطلبت منك حاجة
كريم اتنهد و راح قعد مكانه ورا المكتب وكلمنى ببرود انا مش هحاسبك على كلامك ده دلوقتي لانى مقدر حالتك ... معاكى تلات ايام تفكرى فيهم وتبلغينى قرارك
بصيتله باحتقار و حزن و طلعت ورزعت الباب ورايا ومشيت .... نزلت من الشركه مڼهاره .. ركبت عربيتى و اتصلت على ملك صاحبتى وطلبت منها تقابلنى فى الكافيه اللى بنتقابل فيه على طول و اتقابلنا بعد نص ساعه ...
ملك فى ايه يا لينا قلقتينى
بصيتلها پبكاء و صوت مبحوح مرات بابا ضحكت عليا و جابتلى ورق و قالتلى امضى عليه و انا بحسن نيه مضيت على الورق ... وطلع الورق ده ورق تنازل عن كل املاك بابا اللى ورثتها عنه ... الفيلا و الشركه و كل حاجه .... طردتنى من الفيلا يا ملك
ملك بعصبيه نهار اسود ... طردتك ازاى !! وانتى عايشه فين دلوقتى 
بابا الله يرحمه زى ما يكون كان حاسس .. اشترى شقه ع البحر و كتبها باسمى ... فى اليوم اللى طردتنى فيه كنت داخله اوضة ماما و بابا الله يرحمهم .. فتحت الدولاب علشان آخد هدوم ماما معايا لقيت ورق ملفوف فى فستان من الفساتين .. انا اخدته بسرعه و لما طلعت من الفيلا روحت قعدت ع البحر و فتحت الورق ده .. لقيت ان بابا كان شارى شقه قبل ما ېموت بشهرين و كاتبها باسمى .. روحت الشقه وعايشه هناك دلوقتي وكمان كان سايبلى فلوس مع الورق
ملك بعتاب ازاى يا لينا متحكيليش كل ده ... من امتى واحنا بنخبى على بعض
انتى كنتى لسه راجعه من شهر العسل يا ملك ... مينفعش اقولك خبر زى ده
ملك عيب عليكى يا لينا ده انتى اختى ... طب هتعملى ايه دلوقتي 
انا روحت لكريم
ملك باستغراب كريم مين 
كريم الشافعي ... بابا قبل ما