اسكريبت زواج مصلحة بقلم رحمه رضا
بعد ما سمحتلى ادخل .....
كريم بابتسامة اتفضلى يا لينا ... تشربى ايه
ميرسى مش عايزه حاجة .... انا جيت ابلغك قرارى
كريم سكت و فضل باصصلى مستنى اقول قرارى ...
بصيتله بحزن و دموع حاولت اخفيها كريم انا .. انا موافقه اتجوزك ... بس بشرط
كريم ابتسم موافق
بصيتله بدهشه مش تعرف ايه شرطى الاول
كريم بابتسامة موافق من غير ما اعرف
انا وافقت انى اتجوزك و شرطى هو ... انك متقربليش طول الفتره اللى هنقضيها مع بعض ... و كمان ملكش دعوه بتصرفاتى ... واول ما مشكلتك تتحل هنتطلق فورا
فضل ساكت ... بصيتله لقيته بيبصلى بجمود
كريم اممممم .... تمام .. موافق .. بس يعنى انتى مش شايفه انك كده يبقى بتحرمى شرع ربنا
كريم على فكرة انا مقولتش انى مش موافق على شروطك ولا غيرت كلامى ... انا موافق على كل شروطك ... بس يعنى بعد ما نتجوز لو عوزتى تتنازلى عن شروطك دى انا معنديش مشكله
كريم خلاص نتكلم جد بقا ... بصى احنا لازم نمثل قدام الناس و خصوصا اهلى اننا بنحب بعض و بعد الجواز لازم نبين لهم اننا مبسوطين و مفيش بينا اى خلافات او مشاكل ... ومش عايز اى حد يعرف باتفاقنا
ليه
كريم هو ايه اللى ليه
ليه مش عاوز حد يعرف باتفاقنا
كريم بصلى شويه و بعدين قالى مش لازم تعرفى ... انا لما اقول كلمه تتسمع
كريم ضحك و قالى هههههههه .... ماشى بس بردو كلمتى تتسمع .... بكره هعدى عليكى علشان اخدك ونروح لماما علشان اعرفك عليها ... انتى ساكنه فين اكتبيلى العنوان
كتبتله العنوان و سألته هتيجى امتى ... يعنى علشان اجهز نفسى
كريم هجيلك الصبح وهتقضى اليوم كله معانا و هبقى ارجعك بالليل
كريم بصلى تانى
اوووووف .. انا ماشيه .. ابقى رن عليا بكره لا توصل ... استنانى تحت و متطلعليش فوق
كريم باستغراب ليه
بصيتله برفع حاجب وابتسمت بتحدى مش لازم تعرف
كريم پحده لينا
ابتسمت انا مش مضطره اجاوبك
سيبته ومشيت .......
رمبت عربيتى و روحت ... دخلت غيرت هدومى و طلبت دليفرى لانى طبعا بنت مدلعه جدا ومبعرفش اطبخ او اعمل اى حاجة .. كان عندنا خدم ... بعد ما الاكل وصل .. اتغديت و لبست و نزلت اتمشيت ع البحر ... راجعت نفسى تانى فى القرار اللى اخدته لقيت ان مفيش قدامى حل غير ده ... فضلت قاعده ع البحر مده لحد ما الشمس بدأت تغيب قمت طلعت الشقه تانى .... دخلت الاوضه و غيرت هدومى و اخدت كتاب وطلعت اقرأه فى البلكونه ... ولما حسيت انى تعبت قمت قفلت البلكونه و دخلت حطيت الكتاب مكانه و كنت لسه هنام لقيت تليفونى بيرن وكان كريم
افندم
كريم لسه صاحيه
