اسكريبت زواج مصلحة بقلم رحمه رضا

.... اول ما دخلنا لقيت ست كبيره باين على ملامحها الطيبه قاعد جنبها شاب و بنتين
كريم السلام عليكم
الكل وعليكم السلام
كريم راح باس ايد فيروز و باس راسها اخدتى الدوا 
فيروز بابتسامة وحنان ايوه يا حبيبي ...
فيروز بصيتلى بابتسامة و شاورتلى اقرب تعالى يا حبيبتي
روحت سلمت عليها ازى حضرتك يا طنت
فيروز بابتسامة حنونه انتى لينا مش كده

اومأت بابتسامه ....
فيروز بابتسامة واسعه بصت لكريم زين ما اخترت يا ابنى ... ما شاء الله قمر ... انا فيروز .. والدة كريم
ابتسمت برقه وقولتلها اتشرفت يا طنت
فيروز لا طنت ايه بقا ... انتى كمان يومين هتبقى بنتى ... قوليلى يا ماما
بصيتلها بدموع ... يااااااه من يوم ما ماما ماټت الله يرحمها و محدش عاملنى بالحنيه دى ...
فيروز بخضه انتى بتعيطى ليه يا بنتى 
كريم فى ايه يا لينا مالك 
فيروز اخدتنى وقعدتنى جنبها لو ضايقتك كلمة ماما متقوليهاش
هزيت راسى بالنفى انتى طيبه اووى ... بتفكرينى بماما الله يرحمها
فيروز بحنيه اخدتنى فى حضنها وباست راسى
ابتسمت بحنيه و بصيت لإياد بابتسامه انت اياد مش كده 
اياد بابتسامة ايوه
بصيت للبنتين وانتوا رهف و منال صح 
رهف بابتسامة ايوه .. انا رهف و دى منال
اتشرفت
منال لا انا بحضن على طول
الكل ههههههههههه
اياد كريم حكالك عنا بقا
ايوه .. قالى ان ماما فيروز دى اطيب واحن و اجمل ست فى الكون ....قالى ان اياد مش بيصاحب غير البنات ... وقالى ان رهف و منال دول مبيعملوش حاجة غير انهم يرغوا مع بعض
فيروز ابتسمت و اياد بص لكريم بدهشه و صډمه انا يا كريم !!!!
كريم بهدوء و برود ايوه
رهف منال پصدمه احنا كده يا ابيه !!!!
كريم بابتسامة بالظبط
اياد وقالك ايه بقا على نفسه 
بصيت لكريم بتوتر ....
اياد اقولك انا ... كريم ده اسمه الديكتاتور ... ده عمره ما حب ولا يعرف يعنى ايه رومانسية اصلا ... بصراحه انا مستغرب انتى حبيتى فيه ايه
فيروز اياد ... عيب لما تتكلم على اخوك الكبير كده
كريم بهدوء لا عادى .. سيبيه .. هو عارف انا لما بزهق بعمل فيه ايه
فيروز يلا يا رهف انتى ومنال .. خدوا لينا و اطلعوا فوق
رهف منال حاضر يا ماما
فيروز وانت يا اياد روح شوفلك اى حاجة اعملها
اياد حاضر
كريم طيب انا هرو...
فيروز استنى عايزاك
طلعت فوق مع البنات و قعدنا نهزر ونضحك .... قضيت وقت جميل معاهم .... بجد انا اتبسطت جدا ... بعدها بشويه ماما فيروز بعتتلنا علشان الغدا ... نزلنا تحت لقيت فيروز تتوسط السفره و على يمينها كريم و على شمالها اياد و رهف و منال ...
اول ما دخلت .. كريم قام وقف و سحبلى الكرسى اللى جنبه قعدت واتغدينا و بعد الغدا طلعنا بره فى الجنينه .... كنت محروجه جدا وانا قاعده جنبه ...
فيروز انتى عايشه لوحدك يا بنتى ولا معاكى حد 
كريم بسرعه لا عايشه لوحدها و من بكره هتقعد معانا هنا فى القصر
بصيتله پصدمه ....
فيروز بابتسامة ان شاء الله يا حبيبي
عدى اليوم على خير و لما الساعه بقت 7 كريم وصلنى البيت ....
كريم ابقى جهزى نفسك بكره علشان هعدى عليكى بدرى قبل ما اروح الشركه
ممكن افهم ايه اللى انت هببته