ارملة اخويا خطفت جوزي الحلقة الاولي

العظيم ياارب بلاش الكلام اللي بيشيل ذنوب ده يا ثريا..
الباب خبط وراحت ملك فتحت وكان يوسف اللي كان مدايق وزعلان جدا واول ما شافته ثريا قالتله بعصبيه...
ثريا
انت ليك عين تيجي جرستنا يا يوسف بقي دي اخرة ربايتي ليك...
يوسف بحزن رد عليها
مش وقته كلامك ده يا ثريا وتعالي انزلي اقفي مع بسمه في العزا دي ملهاش حد ولوحدها هناك...
زعقت ثريا فيه وقالت
نعممم عايزني انا الحجه ثريا انزل اخد العزا بتاع الوليه اللي متتسمي دي...
سيد بعصبيه
وبعدهالك بقي يا ثريا الست دلوقتي في دار الحق واذكرو محاسن مۏتاكم..
ثريا بضيق
وهي دي عندها محاسن انا مش هنزل هي ناقصه الحكايه فضايح انزل انت يا يوسف وكمل جميلك مع عروسة الهنا اللي تشرف...
اتنهد سيد بضيق وقال
سيبك منها يا يوسف دي باينلها كبرت وخرفت تعالي انا هنزل معاك وانتي با بت يا ملك البسي حاجه سودا وتعالي اقفي مع خطيبة خالك تحت...
ملك بضيق ردت علي باباها وقالت
ايه اللي بتقوله ده بس يا بابا انت عايزني انا اروح هناك..
ثريا پحده
انت اټجننت يا راجل عايز بنتك تروح تاخد العزا مع بنت فتحيه الدلاله...
زعق يوسف فيها وقال بعصبيه
يوووه بقي يا ثريا هو انتي لا بترحمي ولا هتخلي رحمة ربنا تنزل..
اتنهدت ثريا وقالت بخبث
لا ازاي انا هنزل وهقف مع البنت..
يوسف
بجد. يا ثريا هتعملي كده..
مردتش عليه ثريا وقالت لملك
بت يا ملك غيري هدومك وكملي الاكل في المطبخ وانا هنزل اقف مع عروسة الهنا في جنازة امها...
بعد. شويه كانت ثريا واقفه جنب بسمه في العزا وبعد ما طلعت الجنازه وقفت ثريا في وسط الستات كلهم وقالت بعصبيه..
ثريا
كده انا عملت واجبي معاكي وكمان اخويا عمل واجبه معاكي بزياده انتي وامك يا بسمه...
مسحت بسمه دموعها وقالت
كتر الف خيركم يا طنط ثريا و...
قاطعتها ثريا وقالت
وبس لحد هنا وكفايه تبعدي عن اخويا ليه عشان يوسف اخويا المتعلم ابن الاصول مش هياخد وحده زيك وقدام الحريم كلها اهو بقولك خليكي احسن من امك وبلاش تلعبي علي اخويا وابعدي عننا..
قالت ثريا كلامها ده ومشيت وبعدها الحريم كلهم بصو لبسمه بقرف ومشيوو..
بسمه لنفسها پبكاء وحزن
وانا ذنبي ايه طيب بس ماشي يا ثريا والله لردهالك قريب...
في بيت ثريا كانت قاعده مبسوطه وجوزها سيد واخوها يوسف متعصبين منها جدا..
ثريا بهدوء
انتو المفروض تشكروني علي اللي عملته ده مش تزعلو مني...
يوسف پحده
طيب كنتي استني بعد الناس ما تمشي...
سيد
حرام عليكي يا ثريا البنت امها راحت بدل ما تطبطبي عليها تعملي فيها
كده قدام الناس...
ثريا پحده
واعمل اكتر من كده كمان لو ما بعدتش عن اخويا...
يوسف بعصبيه رد عليها
حتي لو هي بعدت عني انا مش هسيبها يا ثريا واعتبري من اللحظه دي ان ملكيش اخ...
زعقت فيه ثريا وقالت
بقي تقولي انا كده عشان خاطر البنت دي يا يوسف قدرت