ارملة اخويا خطفت جوزي الحلقة الاولي

فيها بره...
دخلت بسمه وقالت بهدوء
الفطار جاهز بره يا طنط ثريا...
بصت ثريا ليوسف وقالت بغيظ
طيب شايف بتستفزني ازاي..
يوسف
هي قالت ايه غلط دي بتقولك الفطار جاهز...
ثريا بعصبيه
متقوليش يا طنط انا مش طنط حد....
بسمه بحزن
طيب اقول لحضرتك ايه طيب تحبي اقولك يا ماما....
ثريا پحده
لا يا حبيبتي انا مش دلاله عشان تقوليلي يا ماما...
اتملت عيون بسمه دموع وزعق يوسف في ثريا وقالها..
يوسف
وبعدين معاكي بقي يا ثريا...
اتنهدت ثريا وردت عليه وقالت
تقولي يا حجه ثريا زي ما الناس بتقولي...
مسحت بسمه دموعها وقالت بحزن
حاضر يا حجه ثريا...
قربت منها ثريا وقالت بضيق
متزعليش مكنش قصدي...
ردت عليها بسمه بحزن
عادي ولا يهمك. اتفضلو افطرو لحد ما اعملكم الشاي...
طلعت بسمه وراحت المطبخ وبص يوسف لثريا بغيظ فقالتله بتوتر...
ثريا
ما انا قولتلها متزعليش متبصليش كده بقي...
يوسف بضيق
يا ثريا انتي طيبه وكويسه بلاش الحركات اللي بتقلل منك دي....
ثريا پحده
بقي كده يا يوسف انا برضو بتاعت حركات علي العموم افطر مع عروستك براحتك وابقي هاتها وتعالي زورني انا ماشيه مدام اطمنت عليك..
باس يوسف علي ايدها وقال بهدوء
انتي امي يا ثريا متزعليش مني وبلاش ندخل بينا الشيطان..
ثريا بغيظ
الشيطان في المطبخ بيعمل شاي..
يوسف بضيق
والله عمرك ما هتتغيري تعالي هوصلك للباب..
بعد. كام يوم كانت ثريا قاعده قدام التلفزيون وبتخيط في شوية هدوم وموبيلها رن وكان يوسف اخوها..
ردت وقالت
الو يا نور عيني...
جالها صوت بسمه وهي پتبكي وبتقول
الحقيني ياا حجه ثريا يوسف بيروح مني..
وقفت ثريا وقالت وهي خاېفه جدا
انتي بتقولي ايه ماله اخويا وفينه..
بسمه پبكاء
تعب فجأه واحنا في المطعم ونقلناه المستشفي...
ثريا پبكاء وخوف
جايه حالا جايه اهو..
بعد شويه كانت ثريا قاعده قدام الباب في المستشفي وبتعيط جامد وبسمه جنبها وسيد جوز ثريا عمال يروح ويجي وقلقان..
ثريا بعصبيه
وانتي تخليه ليه ياكل في المطاعم هاا مش قادره تطبخيله في البيت..
خاڤت بسمه منها ومقدرتش ترد فقال سيد پحده
مش وقته ده يا ثريا وبعدين ما هي اكلت معاه من نفس الاكل...
طلع الدكتور وقالهم ان يوسف حالته خطړ وانه عايز يشوف ثريا ضروري ودخلت عنده ثريا وقعدت جنبه وهي پتبكي...
يوسف بصوت
تعبان
الدكتور قالكم ايه يا ثريا..
ردت عليه ثريا وقالت
ده ميكروب في المعده بس هتخف وهتقوم بالسلامه...
يوسف بدموع
مش باين يا ثريا بس وصيتك علي بسمه تخليها معاكي متسيبهاش لوحدها الناس والدنيا وحشه خليكم انتو اهلها...
ثريا پبكاء
قوم انت بالسلامه وانا اوعدك مش هزعلها تاني واعملك كل اللي عايزه..
ابتسم يوسف وقال
انا شايف امي وابويا قدامي اهوو...
ثريا پبكاء وخوف
لا متروحلهمش خليك معايا يا اخويا سيبوه متاخدوهش مني...
وفجأه جهاز نبض القلب وقف وراح يوسف...
يتبع...