ارملة اخويا خطفت جوزي الحلقة الاولي
انت في الصفحة 1 من 4 صفحات
بعد ما خليت ارملة اخويا تقعد في بيتيعملت هي وجوزي...
سيد
انتي السبب انتي اللي جبتيها ليا هنا وانا راجل وهي بنت حلوه وصغير وطبيعي عيني تحبها...
ثريا پبكاء
جيبتها وقولت اخليها بنتنا زي ملك انا وانت فتتجوزها من ورايا دي اخرة المعروف..
قبل ما نبدأ حكايتنا تعالو نتعرف علي بطلتنا النهارده واللي اسمها ثريا وعمرها سبعه واربعين سنه وعندها اخ اصغر منها بعشرين سنه ويعتبر هي اللي ربته بعد ما مامتها وباباها راحو في حاډثه...
يوسف
مالها بس بسمه يا ثريا دي طيبه وبنت حلال وانا عايزها..
ثريا بضيق ردت عليه
ليها اللي زيها يا حبيبي دي وحده كانت مامتها دلاله وسمعتها علي كل لسان...
يوسف بحزن قالها
محدش بيختار اهله يا ثريا وبعدين انا لا يهمني ابوها ولا امها انا اللي يهمني بسمه وبس...
وانا قولتها كلمه ومش هكررها جواز من البيت دي مش هيحصل...
رد عليها يوسف وهو مدايق وقال
انتي حره بس انا هتجوزها ولو عايزه تقفي جنبي وانا بفرح تبقي كملتي فرحتي يا ثريا مش عايزه انا مش هزعل منك انتي امي مش اختي..
ثريا بدموع
انت لو بتعتبرني امك مش اختك بجد تسمع كلامي وتعرف اني خاېفه علي مصلحتك..
يوسف بضيق قالها
زعقت ثريا فيه وقالت
اتجوزها يا يوسف بس والنبي ما انا حضرالك فرح ولا دخلالك بيت...
يوسف بحزن
براحتك مجاتش عليكي انا كده كده يتيم من زمان...
مشي يوسف وقعدت هي في الصاله تبكي وطلع سيد جوزها اللي عنده 50 سنه وقعد جمبها وطبطب عليها وقال...
متزعليش يا ثريا...
ردت عليه من وسط بكاها وقالت
مزعلش ازاي بس وهو هيتجوز البنت اللي ما تتسمي دي...
سيد
الله واعلم يمكن ده الخير ليه وبعدين اخوكي راجل ومش هيتضحك عليه يعني...
مسحت ثريا دموعها وقالت
حسبي الله ونعم الوكيل فيكي يا فتحيه انتي وبنتك في يوم واحد...
دخلت بنت ثريا اللي عمرها عشرين سنه اللي كانت جايه من بره وقالت وهي مټعصبه..
شوفتي يا ماما اللي حصل..
ثريا بضيق
حصل ايه مهي ناقصه اخبار تغم علي الواحد كمان...
سيد بقلق
قولي يا ملك في ايه..
ردت ملك عليهم وقالت
الست فتحيه مامت بسمه راحت...
سيد بحزن
لا حول ولاقوة الا بالله حصل امتي ده..
ملك
انا سمعت الناس بتقول في الشارع وانا جايه من الدرس بس مش دي المشكله...
ثريا بقلق
اومال ايه المشكله ياا بت اتكلمي..
خالو يوسف واقف هناك وكانه صاحب بيت وصحابي سالوني هو واقف عند بيت فتحيه الدلاله ليه وانا معرفتش ارد اقولهم ايه..
وقفت ثريا وقالت بغيظ
يادي الفضايح اقول عليك
ايه بس يا يوسف الناس تقول علينا ايه دلوقتي بقينا نسايب فتحيه الدلاله اللي نص رجالة المنطقه زمان كانو داخلين طالعين عندها...
سيد بعصبيه
استغفر الله
