مشكلتي بتفاصيلها
جوازة غــريبة
أنا آسفة إنى هحكى مشــكلتى بتفاصيلها لأنها محرجة شوية لكن مش عارفة أعمل ايه أنا كنت أرملة عندى ٣٣ سنة و٣ أطفال لكن الظروف كانت صعــبة واتقلى رجل أعزب وغنى عمره ٤٦ سنة وافقت علشان الأولاد وفى الرؤية الشــرعية طلب يتكلم معايا فى حاجة مهمة على انفراد وقالى إنه هيهتم بالأطفال وهيعاملهم كأبنائه وهيوفرلنا مستوى مادى ممتــاز ابتغاء للأجر الأخروى إلا إنه مش هيقدر يتعامل معايا كزوجة لحاجة فى نفسه وليس لمشــكلة طبية استغربت جدا من الكلام و حسيت فيه شئ غامض كده
لكن بعد تردد وافقت وفوضت أمرى لله م الزواج من سنة وكان صادق بخـصوص الأطفال حنين عليهم و مكنــتش أحلم ابدا بالى بيعمله معاهم ووعدنى إنه هيوصى ليهم بتلت ثره علشان مينــسهوش ويلاقى الى يدعيله بعد ما يم وكمان هما بيحبوه جدا واتعلقوا بيه المشكلة بقى
إن بدأت تلـح عليا احتياجات كإمرأة واتــكلمت معاه قال إنه كان صريح ومخدعنيش ولو حابة أطلــق مفيش مشكلة وبرضه مش هيقــصر مع الأولاد لكن مش هيقدر يقلهم نفس الى بيقه دلوقت .
لأن سبب الزواج هو انه يقدر يتعامل بدون حرج وأنا كنت عايزه اعرف ليه راجل زيه يقعد كل ده من غير زواج خصوصا إنى اتأكدت بطريقة ما مفيش داعى لذكرها إنه فعلا معندوش أى مشــكلة طبية لأنى كنت شكيت بصــراحة إن فيه حاجة غلــط وكان رده لما سألته إن امه وابوه كانوا وكان رده لما سألته إن امه وابوه كانوا
قاسين جدا عليه وهو صغير وافتقد للحب والحنان وفضل يدور عليهم طول عمره وكان نفسه جدا يتجــوز وهو شاب ببنت يكون هو أول راجل فى حياتها
لكن كان رزقه ضيق ويدوب كان بيقدر يكفى نفسه بالعافية وقــتها أما ثره الحالية جت متأخرة ومبــقاش عايز حاجة من الدنيا شايف نفسه كبر خلاص فايه لازمة انه يتجوز ويخــلف ويكون اسرة؟!
أنا كل محاولاتى لتغييره حاولت كتير اخرجه من الحــزن والكــآبة الى هو فيها لكن بدون اى فايدة متجــوزين بقالنا سنة وعمره ما معايا فى غرفة واحدة ولو حاولت استغل انوثتى واحاول اخليه ياخد بالي مني يقوم بيسيب البيت بسرعة ويخرج
أنا مش عارفة ده كده مــريـض نفسـى ولا ايه؟
أنا نفسى يتغير لنفسه أولا ويشوف حياته هو شخص نقى وربنا يجازيه خير على اللى بيعمله معانا و عــرضت عليه فكرة الزواج مرة تانية من بنت زى ما هو عايز لو دى يعنى مشكلته وينجب اطفال تشيل اسمه
لكنه رفض برضه بحجة ان اى بنت بكــر هتوافق بيه فهى هتوافق علشان أنا غنـى مش هتحـبنى ولا هتدينى الاحســاس الى كان نفسه فيه زمان ده كلامه يا فحاولوا تساعدونى بالله عليكم المفروض أتصرف معاه ازاي
