رواية تزوجت ملتزمة كاملة

يوسف رفع راسه وبصلها: روى البخاري، ومسلم ( عن مُعَاوِيَةَ بن أبي سفيان رضي الله عنهما قال: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ: (مَنْ يُرِدِ اللَّهُ بِهِ خَيْرًا يُفَقِّهْهُ فِي الدِّينِ)
اسماء: هو انت كل حاجه عندك ليها رد بحديث
يوسف بابتسامه: ماهو علشان كدا بقرأ ف كتب أهل العلم وبعدين انتي جايه تجري شكل ولا اي مش انتي كنتي ف المطبخ دلوقتي قولت اقرأ  شويه عما انتي تيجي
اسماء:واديني جيت اهوه
يوسف بابتسامه: واديني قفلت الكتاب اهوه 
اسماء ضحكت: ايوا كدا 
يوسف: يخربيت جمال ضحكتك

اسماء اتكسفت وخبطته بس عيب ملتحي وبيعاكس
يوسف: قام من ع الكرسي وقرب منها لا حضرتك انتي مراتي أنا اعاكس واعمل الي أنا عايزه 
اسماء ضحكت ونزلت من ع المكتب شدته من ايده: يلا
يوسف باندهاش: يلا فين
اسماء: يلا نخرج شويه 
يوسف ضحك: حاضر بالراحه وبعدين انتي لسه ملبستيش
اسماء زقتو لبره الشقه ماهو انت هتستناني تحت لحد ماألبس وقفلت الباب
يوسف مستغرب وبيكلم ف نفسه: مالها المجنونه دي 
اسماء دخلت اوضتها طلعت النقاب والإدناء ولبستهم وخدت نفس وفتحت باب الشقه ونزلت ليوسف 
يوسف واقف مستنيها ف الشارع فجأه شاف واحده منتقبه خارجه من باب البيت
اسماء راحت عليه وهو مستغرب مين المنتقبه الي جايه عليا دي 
فجأه اسماء قالتله: ها اي رأيك
يوسف مستغرب: انتي اسماء
قربت منه وخبطته ف دماغه: ايوا اسماء يعني مش عارف مراتك
يوسف من الفرحه كان نفسه يحضنها 
قالها ممكن نطلع الشقه تاني احضنك وننزل
اسماء ضحكت: خلي الحضن لما نرجع يلا علشان دي أول خروجه ليا بالنقاب وانا فرحانه اوي 
يوسف مسك إيدها ومشيو وطول الطريق بيبص عليها وهو فرحان 
اسماء شافت الملاهي قالت ليوسف الله شكلهم حلو وهما بيتمرجحو
يوسف بابتسامه قلها تعالي انتي هتبقي احلى منهم وانتي بتتمرجحي 
وشدها من ايدها ودخلو الملاهي 
اسماء بضحك:مجنون
فجأه وهما ف الملاهي الأذان أذن 
أسماء قالتله يوسف يلا ربنا بينده
يتبع........
تزوجت_ملتزمه (10) "حسن الظن بالله"
"يوسف كان فرحان جدا إن أسماء لبست النقاب "
"نهار يوم جديد وكان الجمعه أجازه"
الباب بيخبط
اسماء لبست نقابها وراحت تشوف مين
_ايوا ايوا جايه اهو
"بتفتح لقت والدتها وجوزها ع الباب"
والدتها بخضه: يلهوي انتي مين
اسماء بضحك: أنا أسماء ياماما وراحت رافعه النقاب

"ادخلو تعالو"
جوز والدتها بغضب: انتي مين عمل فيكي كدا

اسماء باستغراب: عمل فيا اي بالظبط مانا كويسه اهوه
والدتها بغضب: اي التخلف والجهل الي انتي بقيتي فيه داه هو الشيخ لحق يهد عليكي
"يوسف كان ف الحمام بياخد شاور وخرج"
"مين ع الباب يااسماء"
اسماء: دي ماما وجوزها مش عارفه مالهم
يوسف راحلهم: ايوا ياعمي اتفضل اتفضلي يا أمي واقفين ع الباب ليه
والدة أسماء وجوزها بيبصو ليوسف مره وبيبصو لأسماء
وبعدين بصو لبعض هما الاتنين وقالو يلهوووي ارهابين وخدو بعض وطلعو يجروا
3
يوسف خاف اوي لأسماء تزعل خصوصًا أنها لسه لابسه النقاب جديد
بيبص ع أسماء فجأه لقاها عماله تضحك بطريقه جميله
ضحك هو كمان ع ضحكتها  ودخلو وقفلو الباب
2
اسماء: شكلهم كان يضحك وهما بيجرو
"وراحت قدام المرايه ونزلت النقاب ع وشها "
معقوله القمر داه يخوف دانا حتى شكلي كيوت
"يوسف جه ووقف جمبها وبص ف المرايه ومسك لحيته "
_طب ودي كمان شكلها يخوف ازاي دا النبي أجمل خلق الله كان مربيها
اسماء بضحك: عالم غريبه بس مش مهم المهم اننا مقتنعين بالي بنعمله يعني الي مش ملتزم هياخد اي من الدنيا كلنا هنموت
يوسف كان مبسوط اوي إن أسماء وصلت للمرحله دي وان مش اي حد يقدر يهز ثقتها بحاجبها وبإلتزامها
*بقلم ملك محمد***
عدت الأيام وهما بعض وثابتين ع طاعة الله وبدأت تعدي الشهور كمان وبعد الشهور عدت أول سنه ع جوازهم بدون خلفه
اسماء كانت زعلانه اوي ويوسف حس انها نفسها تبقى أم زي أي بنت
___
"اسماء قاعده حاطه ايدها ع خدها وباين عليها الزعل"
يوسف: مالك ياسمسمه بقالي فتره بشوفك حزينه
اسماء بحزن: القعده لوحدي وحشه اوي كان نفسي يكون معايا طفل الاعب فيه طول النهار وأخدو ف حضني باليلل
يوسف بحزن: مانا قولتلك كام مره اروح لدكتور وانتي الي رافضه
اسماء: تروح انت اي بس انت اتجننت الست هي الي بتروح تكشف
يوسف بدهشه: وأفرض يعني طلعت أنا الي مبخلفش تروحي انتي تلفي ع الدكاتره وخلاص يااسماء دا مجتمع مريض ومينفعش نمشي وراه لو الراجل خلفته كلها بنات يقولك اتجوز غيرها تخلفلك الولد مع إنه خلفة البنات منه هو الست ملهاش ذنب ولو قعد فتره مبيخلفش يقلوا عيب وميصحش يكشف مراته هي الي تكشف ولو فضلت فتره مخلفتش يقولك طلقها أو اتجوز عليها علشان تخلف