قصة الطفلة الشقراء بقلم هند رفعت

دول زوجين من دولة نيجيريا وعايشين في لندن وزي مانت شايف في الصورة فهما الأتنين بشرتهم سوداء وخلفوا في البداية ولد وبنت برضو بشرتهم سوداء ده الطبيعي العادي يعني اللي مش طبيعي إنهم بعد كام سنة خلفوا للمرة الثالثة بس المرة دي ماخلفوش طفل أسمر زي المرتين اللي فاتوا لا خلفوا بنت شقراء شعرها أصفر وعيونها ملونة وبشرتها بيضاء!
الأعجب من كده إنهم لما راحوا يعملوا تحليل DNA عشان الزوج يتأكد من نسب بنته الشقراء نتيجة التحليل أثبتت إنها فعلا بنتهم بنسبة ١٠٠!
في يوم واحد أعرابي دخل على سيدنا النبي صلى الله عليه وسلم وكان شكله متوتر وفي حاجة قلقاه وبص لسيدنا النبي صلى الله عليه وسلم وحكاله إن مراته كانت حامل ولما خلفت جابت ولد لون بشرته سمرا وللأسف هو ومراته وأهله وأهلها اللي يعرفهم كلهم بشرتهم برضو زيهم بيضاء فلما شاف الولد لونه أسمر قلبه أنكر إنه يكون ابنه إزاي ابنه يبقى أسمر!

قال يا رسول الله إن امرأتي ولدت غلاما أسود وإني أنكرته
فسيدنا النبي صلى الله عليه وسلم بصله وسأله هل لك من إبل
عندك جمال
فالراجل رد وقال اه عندي.
فسيدنا النبي سأله وقاله ما ألوانها
فالرجل رد وقال إن لونهم أحمر!
فسيدنا النبي سأله السؤال الثالث فهل فيها من أورق يعني في بين الجمال الحمر دول جمال أوراق وهو الجمل اللي لونه رمادي
فالراجل سرح كده وافتكر وقال نعم
فسيدنا النبي صلى الله عليه وسلم قاله فأنى هو
يعني إزاي كل الجمال حمر ومع ذلك في من ذريتهم لون مختلف!
فالراجل رد وقال لعله يا رسول الله يكون نزعه عرق له
يعني ممكن كان في حد من أصول الإبل دول كان منهم جمل أوراق نفس اللون الرمادي وعشان كده لونه ظهر في الأبناء.
فسيدنا النبي صلى الله عليه وسلم رد على مشكلته اللي كان جاي عشانها وقاله هذا لعله يكون نزعه عرق له
لعل حد من أجداده هو أو زوجته كان لون بشرته أسمر وعشان كده ابنه اتولد بنفس لون بشرته.
وده اللي بيسموه حاليا في العلم بالجينات الوراثية!
علمنا الله واياكم
لعله_نزعه_عرق
قصة_وعبرة_مع_هند_رفعت