رواية شهد بقلم منة فوزي

ضميره بأنه يحميها و ان ذلك لمصلحتها..فهي غبية متهورة وتفكيرها محدود.
عندما عادا للبيت اغتسل و اخبرها انه سيخرج الان لأن لديه عمل ما سيغيب معظم الليل.
شهد بقلق هعد هنا لوحدي
يوسف يا بت مټخافيش انا بيتي اأمن بيت في المنطقة..
صمتت في قلق..
شعر بانها لا تزال قلقة واراد ان يريحها فقال تحبي اجيب الواد حمادة يعد معاكي لحد مرجع

شهد حمادة مين العيل السيس ده! علي اساس انه هيحميني يعني!! حمادة ده انا اسيق بيه البلاط هو و عشرة زيه.. ده غير انه واد ساڤل و لو سبته معايا هترجع تلاقيني مخرمة عنيه !
ابتسم يوسف وقال طب لما انت جامد كده يا عم خاېف تعد لوحدك ليه
ثم خرج قائلا سلام.. ريحي بقي عشان تروحي الشغل بكره فايقة ورحل
كادت ان تناديه وتطلب منه ان يبقي معها ولكنها منعت نفسها. قامت باغلاق الباب بالكرسي و امسكت بالسکين بقوة واستلقت بقرب الباب حاولت ان تنام الا ان القلق منعها .
وصل يوسف لبيت الخواجة ليجد سعد السائق الخاص بالخواجة ېدخن سېجارة بجانب السيارة اثناء انتظاره حياه ووقف معه يتحدثان بينما هم في الانتظار. بالفعل خرج لهم الخواجة فتوجه اليه سعد مسرعا حمل عنه حقيبة صغيرة و سبقه لفتح باب السيارة بينما كان يوسف يقوم بعمله المعتاد مراقبة المكان حوله و بعد ان ركب الخواجة في الخلف ركب يوسف في الامام بجوار السائق.. كان الخواجة رجل اشقر ذوعينين زرقاوين باردتين يقال عنه ان امه كانت روسية وورث منها ذلك المظهر الاشقر الحاد الملامح..و كان مظهره سبب في تسميته باسمه. اما عن

طباعه فكانت لا تختلف كثيرا عن مظهره القاسې البارد.. نادرا ما يظهر اي انفعال علي وجهه تصرفاته تنم عن دهائه وذكاءه وقوة شخصيته جعلته يصل لمكانة الذراع الايمن للريس عبود.
الخواجة اطلع علي الريس عبود يا سعد الاول قبل عطا
وعندما وصلوا الي قلعة الريس عبود و بعد المرور علي اكثر من بوابة حراسة بحراسها المرعبين دخل الخواجة و معه يوسف بينما انتظرهم سعد في السيارة.. كان يوسف هو الذي يحمل الحقيبة الصغيرة و عندما وقفا عند باب القاعة التي بها الريس عبود اخذ الخواجة الحقيبة منه و امره ان ينتظره هنا بينما دخل هو الي القاعة..
وقف يوسف مع بقية الجاردز واضح ان هناك اجتماعا علي نطاق ضيق في الداخل لقد عرف الموجودين بالداخل من حراسهم الوقافين خارجا مثله كانت تجمعهم علاقة طيبة ليست وطيدة تنحصر في مثل تلك الوقفات و تبادل بضعة احاديث واخبار..
احدهم للاخر انا لسة مش مصدق الحكاية بتاعة البت دي..انت بټفتي شكلك
الاخر طب اسأل اي حد هيقولك ..الموضوع كل الناس بتكلم فيه..ده عدوي مشي ليلتها يدلل عليها و الډم بينقط من دراعه
فقال ثالث بتكلموا عن البت الهربانة فعلا فتحت لعدوي دراعه بحتة ازاز مکسورة.. واحد من حتتي شافه بعينه هو و رجالته و هم بيدورا عليها
طبعا الحديث شد انتباه يوسف من اول حرف..
الټفت اليه احدهم مش عدوي ده صاحبك يا جو الحوار ده ايه
يوسف عدوي مش صحبي .. طوول عمرنا بنقطع بعض.. و قصة البت دي لو صح يبقي يستاهل عشان هو ۏسخ
احدهم بس انا سمعت انها حب حياته و انه قعد يحوش في تمنها سنين لحد ما عرف يشتريها من المعلم مرعي عشان كده بيدور عليها زي المچنون
يوسف مستسخفا الكلام حب ايه بس ايه الكلام المايع ده و هو عدوي ده اساسا عند قلب عشان يحب.. الحكاية ان عينه فارغة 
نفس الشخصطب يا جو ما هو عنده بدل الواحدة مية..اشمعني دي بذات اللي قالب الدنيا عليها
اخر لا ياعم بيقولك البت تستاهل ده بيقولوا انه بيفكر يتجوزها!
ردوا جميعا بردود افعال مختلفة الا انها انحصرت في الذهول و الدهشة..
لم يكن الزواج هو الامر الطبيعي فمع وجود اختيار الشراء وامكانية البيع ما الحاجة الي ذلك النوع من الارتباط.. فالبتالي كان الزواج اما للتمسك الشديد بفتاة وضمان بقائها الابدي او لتكريمها واعطائها مرتبة اعلي .. و في الحالتين كان ذلك دليلا علي غلو قدر تلك الفتاة
صمت يوسف مذهولا هل يصل تمسك عدوي بشهد لدرجة الزواج!! فجاة شعر بالقلق عليها لقد تركها بمفردها..تري هل ېغدر به احد فيعود ليجدها قد اختفت.. واضح ان الجميع الان يعرف بالقصة .. احس انه كان مخطي في ثقته الزائدة بان منزله امن.. اصابه التوتر و اراد الاطمئنان عليها لكن كيف
انزوي جانبا و اتصل من هاتفه بحمادة
يوسف وله.. عايزك تروح عند بيتي تشقر علي شهد..اسمع .. حاول كده تعرف اذا كانت جوة و لا لأ من غير ما تخبط .. اتصرف يا حمادة بص من الشباك.. اسمع صوتها.. اتصرف..عارف لو استظرفت عليها و لا كلمتها كلمة واحدة ..اقسم بالله ما هيكفيني فيك ضړب تلات تيام.. مش عايز مشاكل معاها انت سامع ياد... وبعدين تيسب اللي في ايدك و تعد قدام البيت متتزحزش لحد مرجع.. لا ياروح خالتك مفيش مصلحة هتطلع بيها من المشوار ده.. استرجل بأه يا واد و خليك جدع.... لو حصل اي قلق كلمني علطول.. تشكر ..سلام
عاد جو ليقف مع بقية الحراس و قد هدأ باله نوعا ما حيث ان حمادة شخص رغم ميله للتهريح فهو مسؤل و جدع..
وقف حمادة بقرب بيت جو لم يكن النور مضاء اقترب اكثر من النافذة و حاول ان يلقي نظرة الا ان الظلام لم يمكنه من تمييز اي شيء في الداخل.. اقترب من الباب ليستمع و هو يلعن صداقته بجو التي جعلته يتصرف بتلك الطريقة المهينة.. ما مشكلة ان يطرق الباب لتفتح له فيتأكد انها سليمة بالداخل و يطمئن و يطمئن جو وينتهي الامر كما ان لا مانع في ان يمتع ناظرية بطلتها مرة اخري.. الا ان التزامه بكلام صديقة عهد علي رقبته..
و بذكر الرقبة فوجيء بيد تسحبه من الخلف پعنف من رقبته ..و كما توقع من عصبية و ارتعاش اليد..انها لشهد..
يبدوا ان اثناء التصاقه بالباب خرجت هي من النافذة لتمسك به و بيدها سيكنها المعهود..
قال بهدوء ليه بس كده دانا جاي اطمن عليكي..
شهد بعصبية و بصوت خفيض و هي تتلفت حولها اتنيل خش جوة قدامي..
و دفعته امامها للباب ففتحه و دخل..
فدخلت خلفه و السکين في يدها مھددة به وقالت اترزع هنا علي كرسي ده و حط ايديك فوق راسك!
امتثل بهدوء و علي وجهه ابتسامة ساخرة
شهد في محاولة ان تبدو عڼيفة جيت هنا ليه ياد!! بتتجسس عليا مين اللي بعتك

ولا جاي ليك غرض تاني ولا حكياتك ايه
لم يرد واكتفي بالضحك
شهد بتضحك علي خيبتك.. واحدة بنت مثبتاك! انطق بدل ما اشرحك! وهي تلوح بالسکين مھددة
فقال بنفس الابتسامة و الاسلوب الغبر مبالي الساخر اللي بعتني وعدته اني مش هكلم معاكي كلمة واحدة.. فنا مش هعبرك .. و بعدين انا سايبك تثبتيني براحتك عشان بس احترام للراجل اللي أويكي عنده.. و لعلمك هفضل قاعد هنا لحد مايجي عشان ده طلبه.. زي ما طلب مني بالظبط مني اشقر عليكي من غير ما اكلم معاكي.. ثم صمت برهة و عاد ليقول انزل ايدي ولا افضل رافعهم لحد ما يجي..براحتك.. ده مجرد سؤال
كانت مازالت تستوعب ما قاله.. لقد صارت تعجب لما تري من تصرفات يوسف التي لم تري مثلها قبلا.. ولكن هل يعقل ان صديقه ايضا يتصرف بتلك الطريقة العجيبة يسمونها الجدعنة.. ماذا! هل هي عدوى!! ام انها سلو المنطقة هنا!! غريب امرهما حقا.. كنظرة منطقية حمادة صادق..فهو قادر علي مقاومة شهد بسکينها بكل شراستها و لكنه ابي ان يفعل ..
قالت نزلها!
فقال طب ممكن اقوم اعد برة بقي..
لم تفهم فنظرت له طالبة الايضاح
فاكمل هستني جو برة واسيبك تنامي هنا براحتك..بس لو فيها رزالة مني هاخد الشيشة واۏلع فحم قبل ما طلع..منا مش خدام ابوكم اعد برة زي الكلب من غير حتي ما اتمزج..
لم ترد ..لم تعرف ماذا تقول.. ها هو يفعل تصرفا اخر من نوع تلك التصرفات اياها..
اكتفت بالاشارة بيدها بما يعني عدم المبالاة.. وجلست علي فرشتها قرب الباب تتابعه بينما انهمك في صمت في اشعال الفحم علي الموقد.. و بعد دقائق تركها و خرج دون كلمة..
اعادت الكرسي خلف الباب مرة اخري فهي قد ازاحته وهي تصتنت الي محاولات حمادة قبل قليل حاولت النوم فلم تستطع فظلت تتقلب في مكانها الي ان اخير بعد عدة ساعات عاد يوسف قرب الفجر. سمعت حديثه مع حمادة في الخارج..
حمادة اييييه! ما كنت تكمل يومين كمان!.. انت استعبدتني! اربع ساعات مرمي هنا بحرسلك السنيورة.. 
يوسف جبت الشيشة دي منين! انت دخلتلها!!!
حمادة بخبث دخلتلها بس.. دانا لسة خارج حالا.. دي طلعت بت عسل اوي.. هي الي ادتني الشيشة بتاعتك قالتي خدها يا حمادة يا روحي مش خسارة فيك
امسك يوسف حمادة من ياقة قميصه من الخلف و قال جبت الشيشة ازاي ياد قول بدل ما احط وشك في الفحم يا حمادة يا روحي.. خبطت عليها طبعا ..منا عارف سماجة اهلك
حمادة ياعم دي ما فيش اسمج منها..دي رفعت عليا السکينة عشان قفشتني و انا بعمل زي ما قلتلي و وقفت اسمع علي الباب.. علي فكرة البت دي اخرتها مش هتكون حلوة انا بقولك اهه دي جريئة و متهورة اوي...دي خطفتني جوة و قفلت الباب علينا..يعني غباوة رسمي..انا لو كنت واحد من اللي بيجروا وراها ولا واحد ناوي شړ..كنت انت جيت لقيتها مش موجودة او مقتولة..او معمول فيها اي مصېبة
ابتسم يوسف ثم ربت علي كتف حمادة و قال عارف..متشكر يا حمادة.. اتكل نام انت بقي..
حمادة لما اخلص الحجر.. ولا هو حمادة ده بيشتغل فالفاعل عندكوا..تعالي يا حمادة ..اتكل يا حمادة..
فضربه يوسف علي قفاه مازحا و قال ماشي يا لمض.. مش خسارة فيك
حاول الدخول ليجد الكرسي خلف الباب مجددا..الا ان شهد اسرعت و ازاحت الكرسي و فتح الباب..
فقال متعجبا هتحطي الكرسي كل يوم كده اديكي صحيتي عشان تفتحيلي.. يا بنتي ارحمي نفسك من الهواجس اللي انتي معيشانا فيها دي
لم ترد.. لأن فجاة اجتاحها النوم وكأنه الطوفان استلقت بسرعة علي فرشتها دون حتي ان تبحث عن سيكنها الملاصق ليدها دوما ولو فقط بنظرها.. وراحت في النوم اللذيذ الذي اشتاقت له طويلا.. النوم الذي اتي مع مجيء ذلك الكيان القوي الشهم الذي تحتمي به و ببيته..
اما يوسف فقد استشعر انها غارقة في النوم فلم يرد افاقتها بأي حديث.. كان مرهقا فصعد لفراشه و استسلم للنوم بسرعة..
الفصل الرابع.
توجهت شهد علي