رواية خادمة الصقر رائعة جدا
عبط بدل ما يحصل مشاكل انا ابويا تعبان ومش هيجي استدعاء
صقر وانا مش هسيب حق اخويا.. ده خالد الحديدي يا ابني انت وهو..بقولكوا ايه استنوا جاسر لما يخرج من الفصل ونتجمع برا اتفقنا..
فاق خالد وقعد يضحك جامد ونغم مكنتش فاهمة حاجة..
نغم مالك بتضحك ليه كدة..هو انت افتكرت حاجة ولا ايه.
خالد أه افتكرت احسن ايام في حياتي. وقتها اتجمنا كلنا وبوظنا عربية مدرس في المدرسة علشان بس زعلني
كانت خطة صقر وجاسر.. ايام كانت حلوة اوي
نغم لا والنبي لتحكيلي هو انتوا وجاسر قد بعض.
خالد بصي صقر اكبر مني بخمس دقائق.. وكريم اصغر مننا بسنة ونص تقريبا.. اللي كان قدنا هو عساف بس نقلوه فصل تاني علشان كنا بنعمل مصايب مع بعض.. اما جاسر فهو الوحيد اللي اكبر يجي بسنة وشهرين كدة
خالد اووي كنا پنتخانق في اليوم يجي الف مره حرفيااا بس كلنا بنحب بعض اوي وخصوصا صقر
حقيقي مكنش بيستحمل ان حد يزعل حد فينا
كان عايش دور الاب اوي
نغم سقفت بفرحة ايوا بقي..والله. انا قلبي حاسس انه هتتصالحوا قريب اوي
خالد بضحك باذن الله.. صحيح انا كنت عايز اقولك حاجة
نغم انا بحبك اوي وعايز اتجوزك.. قولتي ايه
نغم
في المستشفي عند خالد..
خالد پخوف انتي ساكته كده ليه نغمه انا باكلمك تتجوزيني.. نغم انا عمري ما هقدر اتخيل انك ممكن تبقي مع حد غيري
ما انت اكيد مش هتتجوز واحدة زي.. صح يا خالد
خالد ابتسم والله العظيم بحبك اوي..اوي
و مافيش اي حاجة من اللي في دماغك دي. اوعدك اني هاخذك وهاسافر وابعد عن كل حاجه هنا وهاشتغل بجد الحاجات اللي بجد بحبها
....نغم ضحكت اوي وحضنته جامد وبرغم ۏجع خالد بسبب جرحه الا انه تحامل علي نفسه وحضنها هو كمان.
نغم بدموع بحبك اوي يا خالد.. عارف من امتى من اول مره شفتك فيها وانا في الصعيد
انا في الاول كنت خائفه لاكون حبيتك لانك نسخه من صقر بس الصفات اللي انا باحبها
و حبتيني لاني شكله
نغم مسحت دموعها لا والله العظيم.. انا باقولك انا كنت حاسه بايه.. بس اتاكد ان كل احساسي غلط
و اني بحبك أنت اوي
وفي لحظه ما بقتش شايفه صقر قدامي وكاني ما اعرفوش اصلا
خالد باس راسها وانا بمۏت فيكي انا علشان خاطرك عملت كل حاجه انت مش متخيلاه
رجعت مصر وسامحت جاسر وعساف عشان حسيت بطعم الحب منك انتي.. اوعي تبعدي عني
و حياتي عندك
نغم ابتسم وحضنته انا عمري ما هبعد عنك انا هلزق فيك والله طول العمر.. اقولك حاجة انا مستعده اعيش معاك في اي حته في العالم من غير حتى ما تاخذ ورثك من صقر بس بشرط واحد.. انك تنسي الماضي يا خالد وتبص لمستقبلك وبس
في اوضة عساف..في الحمام
كريم كان ماسك ايد عساف ڠصب عنه ومعاذ كان بيساعده
عساف انتوا بتستقوا عليا يعني اوعي يا كريم
انتوا عارفين اني ممكن احبسكوا عادي.. اوعوا بقي
جاسر اثبت علشان احلقلك دقنك دي طب بذمتك ده منظر ضابط شرطة يا لص.. اثبت يلاااا
عساف يوووه.. حتي انت يا معاذ بتساعدهم
جاسر انت هتتنفخ علفكره
جاسر بص افضل اتحرك كدة لحد ما اعورك عادي يعني هو وشك ولا وشي مثلا..
و فعلا بعد معاناه حلقوا لعساف دقنه وشعروا وخرج من الحمام وهو عمال يشتمهم
كريم افضل اشتم انت كدة معانا عيل صغير بيلقط
مش انت بتلقط يا معاذ
معاذ بضحك اه بلقط يا كيموو
عساف ضحك جامد طب هات حضڼ يا اللي بتلقط انت.. بقولكوا ايه خلصتوا ورخمتوا عليا اطلعوا برا بقي
جاسر يووه انت قفيل يلااا ليه كدة وبعدين عمو
جهز الفطار.. وقبل ما تعترض يلا كريم شيل الواد ده معايا.
و فعلا خرجوا كلهم علشان يفطروا واقنعوا عساف انه يروح الشغل..
و كريم اخد معاذ وراح الفيلا عند صقر
عساف راح القسم وجاسر راح يشوف عزة..
جاسر راح يستني عزة قدام الحضانة بتاعتها
جاسر بستهبال ايه ده معقول الصدفة الرهيبة دي.. وبعدين انتي ازاي يا بت انتي تقفلي التليفون في وشي امبارح وانا بكلمك
عزة انا اسمي عزة مش بت وبعدين معقول الصدفة جابتك تقف قدام شغلي.. واوعي بقي من وشي علشان انا عندي شغل
جاسر طيب انتي اللي بقالك كتير واقفة كدة ولا ايه.... اركبي يلا علشان اوصلك لاني عايز اتكلم معاكي في موضوع مهم جدا
عزة بس انا بقي مش عايزه اتكلم معاك واتكل بقي علي الله علشان انا مودي وحش اوي النهاردة ومش فايقالك
جاسر ايه يا بنتي قلة الذوق دي..و بعدين انا مش بطلب منك انا بأمرك انك تركبي اصلا..يلااا قدامي
يلا علشان مش عايز اعلي صوتي في الشارع
و مسك ايد عزة ڠصب عنها وعزة حاولت تزقه..
عزة بټهديد انت عارف لو مسبتش ايدي أنا هعمل فيك ايه حالا يا جاسر
جاسر ولا تقدري تعملي حاجة علفكرة..انتوا كدة البنات مش بتعملوا حاجة غير انكوا تهددوا..يلا اركبي بقي الناس بدات تبص علينا
عزة كدة طيب انت اللي جبتوا لنفسك الحقوني يا ناااس..حرامي
و فضلت عزة تصوت والناس فجاه اتلمت حوالين جاسر وهو كان مصډوم من اللي حصل..
جاسر پصدمة الله يخربيتك..علفكرة انا مش حرامي..دي بتكدب والله..عزة استني يا عزة فهميهم انه مقلب..
لكن عزة مشيت اصلا وركبت هي كانت بتضحك وفاجاه الناس فضلوا يضربه جاسر في الشارع واخدووه علي القسم بعدهااا..
في الفيلا...
في الجنينة..معاذ جري علي قمر
معاذ متاخرتش اهووو.. تعالي نلعب شوية
كريم سيبها يا معاذ علشان لسه تعبانة.. ازيك يا قمر انا اسف اني مجتش امبارح اطمن عليكي حقيقي انا لسه عارف النهاردة حقك عليا..
قمر متقولش كدة.. وبصراحة بقي انت جيتلنا من السماء احنا هقولك سر بس محدش يعرفه
كريم ضحك والله محدش هيعرف اي حاجة..وعد مني.. بس طمنوني في حاجة حصلت
سماح بصراحه انا غلطت وعملت غلطه كبيره قوي صقر لو عرف ان انا اللي وراها هتبقى مصېبه مش بعيد يقاطعني زي خالد..و قمر شرسكة معايا
كريم ضحك طب والله العظيم قلقتوني..احكوا طيب اللي حصل.
سماح بص انا كلمت قمر وطلبت منها انها تجيب خالد معاها كمان.. وفعلا هي قالت لخالد انها شاكة ان صقر بيحب نغم فهو اتغاظ وجوم هما الاتنين علي مصر
قمر ايوه بس احنا ما نعرفش خلاص حاجه عن موضوع الحاډثة دي احنا اتفاجئنا بعربيتين بيطاردونا
كريم طيب برضو مش فاهم..انتوا عملتوا ايه..و قمر جات هنا ليه.. وضحوا الكلام.
سماح يا كريم افهم انا جبت قمر هنا عشان تضغط على صقر..انت عارف لان هو بعدها عنه لانه بيحبها
و هي متنية حباه وعايزة تفسخ خطوبتها من الزفت اللي اسمه عزمي
كريم ايه اللفة دي..
قمر پخوف. وبصراحة كمان..احنا كذبنا علي صقر وقولنالوا اني فقدت الذاكره..لما عملت الحاډثة انا وخالد
كريم ضحك. فاقده ايه..انتوا بتهزروا مش كدة
ازاي يعني تعملوا كدة..صقر لو قفشكوا هتبقي مصېبة بقي بجد
سامح يقفشني ايه بس ما تقولش كده انا مضبطه كل حاجه يعني انا قدام صقر معرفش ان خالد في المستشفى لان قمر فاقدة الذاكره ومقلتش حاجة. حتي الدكتور اتفقت معاه انه يقول انه فقدان مؤقت فهمت حاجة
كريم ضحك بتريقة ايه يا طنط ده.. معقول كدة
لا بس وربنا انا فخور بدماغك..عجبتني.. طبعا جدة صقر الحديدي يعني هتبقي عاملة ازاي
سماح. طب اعمل ايه يا كريم لو سبت الاثنين ما حدش فيهم هيتجوز جواز عدله..
و انا نفسي افرح بيهم بقي دول حتة مني
كريم ابتسم بحب ربنا يخليكي ليهم يارب..و عموما انا هساعدكوا في اي حاجة عايزينها..
في القسم عند جاسر..
جاسر وهو هدومه متقطعه يا فندم والله انا لا حرامي ولا زفت.. الله ينتقم منك يا عزة
الضابط مين عزة دي كمان.. انا عايز اعرف ازاي تبقي نازل منغير بطاقتك يا استاذ اديك هتتحبس اهو
جاسر لا حبس ايه الله يكرمك انا ممكن اكلم حد يجيبلي البطاقة يا فندم..
...و كلم جاسر عساف علشان يجي يلحقه وفعلا جيه عساف علطول.
عساف قاعد ما الظابط وبيتكلم پحده جاسر الحديدي اكيد مش حرامي يا طارق بيه دي بنوتة صديقته كانت بتعمل فيه المقلب السخيف ده
الظابط هو فعلا مافيش حد شهد انه اخد منهم حاجة ولعلمك انا كنت همشيه بس ملقتش معاه بطاقة ولا اي اثبات شخصي.. يا عساف بيه
عساف بص لجاسر بغيظ انت ازاي تمشي منغير بطاقة كدة
جاسر والله نسيت المحفظة كلها في البيت..ڠصب عني يا فندم بس وعد مش هتتكرر تاني ابدا وهمشي بالبطاقة علطول
عساف طيب يا فندم..انا خلاص هضمنه اعتقد كدة احنا ممكن نمشي وشكرا جدا يا فندم علي ذوق حضرتك وتفهمك الموقف..
و فعلا عساف اخد جاسر وخرج بيه من القسم
برا القسم في الشارع..
عساف كان بيحاول يكتم الضحكة بس مش قادر
عساف انا مش عارف ايه عزة دي هتوصل بيك لفين بجد في واحدة تعمل كدة برضوو
جاسر مش اول مره تعملها بنت المجانين بس المره دي الناس اخدت الموضوع جد..او انا اللي معرفتش
اجري زي المره اللي فاتت
عساف فضل يضحك جامد لا يا جسورة ده انت متعود بقي... طيب يا حبيبي ربنا معاك
يلا روح علي البيت علطول علشان المره دي لو مسكوك هيحبسوك بجد لاني مش هجيلك
جاسر اتريق..اتريق ما هي جاتلك فرصة علشان ترخم عليا بقولك ايه اوعي اي حد يعرف حوار القسم ده علشان بجد ما اتضايقش منك..
عساف بضحك طبعاااا.
في الفيلااا عند صقر.
بليل
صقر رجع الفيلا وهو تعبان اوي ومرهق من اليوم ولقه قمر قاعدة تلعب مع معاذ في الجنينة.
قمر يلا خلاويص.. يلا يا معاذ انا هدور عليك وهلاقيك علفكرة. وهبقي انا اللي كسبت
صقر كان واقف وراها حمداله علي السلامة واضح ان صحتك بقت عال اوي دلوقتي مش كدة.
قمر لفت ناحيته وكانت متوتره اوي استاذ صقر
اهلا بحضرتك انا آسفة اني خرجت من اوضتي
بس معاذ هو اللي اصر اني العب معاه.
صقر اممم معاذ طيب.. هو أنتي بتاخدي ادويتك في مواعيدها ولا بتنسيها زي ما ناسية انتي
