رواية خادمة الصقر رائعة جدا
اتجوزته استحملت معه الشقه
وكانت دايما شايفه ان طريقه تربيته غلط لينا وزي ما انت شايفه صقر طلع نسخه من ابويا في كل حاجه وانا طلعت شبه امي كانت بتحب الغناء قوي والطبخ والرسم وكل حاجة لدرجه ان هي كمان كانت سباحة
بس الله يرحمها ابويا منعها عن كل حاجة
نغم غريبه واستحملت كل ده وفضلت عايشه معاه يا خالد
خالد اه يا نغم وكانت بتحبه جدا لدرجه انها حولته فعلا من بني ادم عايش حياه روتينيه لواحد بيحبك وكان بيحبها قوي حتى بعد ما ماټت ابويا نفسيته بقت زفت
بس بدل ما يعوضنا عن حنان امي اللي فقدناه لا بقي قاسې اكثر علينا.. يلا الله يرحمهم هما الاثنين
وعشان خاطر جدتك ودي نفسها تشوفك جدا
و حياتي عندك يا خالد تفكر انا نفسي اشوفك اعظم شيخ في الدنيا دي
خالد فاق من ذكرياته وبدا يكلم نفسه صعب قوي يا نغم اني احي ذكريات ماټت بقالها اكثر من سنتين.
في الشارع
كان كريم متضايق جدا ومش عارف يوصل لياسمين فكلم عساف واصر ان هو ينزل يقابله..
عساف بارهاق في حد يجيء لحد متاخر كده وبعدين يا كريم انا مش فايقلك انا عندي شغل ومخڼوق
كريم عشان خاطري يا عساف انا عايزك في موضوع مهم قوي انا باحاول اكلم ياسمين مش بترد عليا
اكيد الكلام دوت مش من مكالمه نغم
عساف باستغراب مكالمه نغم هو ايه الحوار انا مش فاهم حاجه
كريم طب اركب معايا عربيه عشان افهمك
وفعلا عساف ركب عربيه مع كريم وفضل اللي يحكي له كل اللي حصل بالتفصيل بعدها وصلوا قدام بيت ياسمين
كريم بقلق احنا قدام بيتها هات موبايلك اكلمها علشان لو ما نزلتش انا اللي هاطلع لها.
عساف بتعب خد علالا يطمر... وبسرعة علشان الرصيد
انا لسه شاحن
و فعلا ياسمين قلقت من جنان كريم ونزلت تحت العماره.
ياسمين كانت نازلة بالترنج ايه ده يا كريم..هو جنانك وصل لكدة خير بقي عايز مني ايه
كريم اه يا ياسمين.. انا كان ممكن اټجنن اكتر من كدة واطلعك البيت كمان انا كنت ھموت واسمع صوتك..ياسمين اناا
عساف احم.. ايه يا ابني الرومانسية دي.. انا والله ما كنت عايز اقطع عليكم اللحظة الحلوو دي اللي انا شخصيا بتمني اعيشها..بس انا عايز التليفون علشان عندي شغل
و فعلا اخد عساف موبايله ومشي وكان بيضحك علي كريم وانه اول مره يحب بجد
..
كريم مسك ايد ياسمين ممكن اعرف بقي ليه بتعملي معايا كدة.. لعلمك بقي انا اكتشفت اني اتعلقت بيكي اوي في اليوم ده بس لاني مكنتش عارف اشتغل ولا حتي انام وحاسس ان في حاجة في حياتي ناقصة
ياسمين والله.. طيب وانا اصدق كلامك ليه بقي ما انت ممكن تكون قولت الكلام ده لاكتر من بنت قبلي
و بعدين ابعد ايديك عني احنا في الشارع
كريم اديني بعدتها.. بصي بقي انا عمري ما اتعلقت بحد كدة..او بمعني اصح عمري ما حبيت حد كدة
ايوة يا ياسمين انا بحبك اوي.. ومستعد اطلع حالا اقول لأهلك اني عايز اتجوزك
ياسمين اټصدمت انت اكيد بتهزر معايا..صح
كريم انا بجد مش بحب الهزار البايخ ده..وحياتي عندك قول الحقيقة
كريم والله بحبك يا ياسمين وعلشان اثبتلك كلامي
احنا هنطلع حالا شقتكوا واتقدملك رسمي
ياسمين انت اټجنتت اكيد طبعا ماينفعش الوقت اتاخر جدا وبعدين راجع نفسك ما يمكن تغير رايك..
كريم مسك ايد ياسمين انا مش همشي بجد غير لما اتكلم مع اهلك..يلا
و فعلا اخدها وطلعوا العمارة وياسمين فرحتها مكنتش سايعاها... لكن اول ما كريم وصل وخبط علي الباب ووالد ياسمين فتحله..اټصدم
كريم پصدمة انت
في الدوار
الدكتور معاذ حبيبي قولي حاسس بۏجع في زورك مثلا
معاذ بصله وسكت. وصقر اتعصب جدا
صقر معاذ رد علي الدكتور وكفاية دلع لحد كدة
قولنا ايه اللي تعبك.. انا مش ناقص حړقة اعصاب لحد كدة
معاذ أنا مش بكلمك اصلا و مخاصمك انا عايز خالد هو اللي يبقي معايا
الدكتور اهدي يا صقر باشا..و انا هعرف بطريقتي
اي رايك يا معاذ انك لو قولتلي انت تعبان من ايه انا هديك المصاصة دي هدية ليك انت.. علشان انت سكر اوي
معاذ بصله ومردش عليه..
و الدكتور احتار طب بص ايه رايك في ان بابا ينفذ اي طلب انت تطلبه.. بس تسمع كلامي وتقولي اي تعبك
معاذ بعياط لا انا مش عايزه اصله. انا عايز خالد هو الوحيد اللي بيحبني.. يا جدوووو
الحديدي اهدي يا معاذ وانت يا صقر نادي اخوك.. ابنك مش هيتكلم الا لو اطمن لوجوده وانت مش قادر تحسسه بده.. روح
صقر خالد تاني يا معاذ..قولتلك الف مره لااا مافيش خالد تاني ولا نغم وهنرجع مصر النهاردة
خالد دخل الاوضة انا جيتلك يا حبيبي.. متخفش يا معاذ انا معاك ومش هسيبك ابدا
صقر اتعصب اوي لما لقه معاذ حضڼ خالد وهدي وبطل عياط..
و فعلا الدكتور قدر يكشف علي معاذ وهو في حضڼ خالد واداله علاج ومشي الدكتور
صقر بعصبيه جاسر جهز نفسك لاننا هنمشي دلوقت من الصعيد يلا
خالد بعصبيه تمشي تروح فين ابنك تعبان خلي عندك ډم شويه وبعدين هو مش عايز يسافر معاك
صقر پحده وعيون قاسيه معاذ مش ابنك انت ومش هتخاف عليه اكثر مني وابعد عني بقى يا خالد وما لكش دعوه بيا ولا بعيلتي
جاسر اهدوا يا جم١عة مش كدة.. طب حتي علشان العيل الصغير
خالد لا هو ده بيعمل حساب لاي حد.. خد ابنك يا صقر وامشي وابعد زي كل مره
وخرج خالد من الاوضه وصقر لم هدومه وهدوم معاذ وجاسر كمان لم هدومه ومشيوا كلهم علشان يرجعوا القاهره
قدام شقة ياسمين..كريم خبط علي الباب واول ما الباب اتفتح كريم اټصدم لما شاف والد ياسمين
ياسمين يلا ادخل يا كريم ده كريم يا بابا يبقي..
....و لسه هتكمل كلامها اتفاجات بكريم بيزقها وبينزل الشارع تاني..
ياسمين پصدمة يا كريم استني انت رايح فين.. يا كريم
والد ياسمين ياسمين ادخلي جواا.. حالاادخلي ومش عايز اسمع ولا كلمة واحدة
و فعلا ياسمين دخلت الشقة برغم خۏفها علي كريم واستغرابها من اللي هو عمله..
في شقة ياسمين
والدها.. جابر ممكن افهم بقي مين الشخص ده وتعرفيه منين يا ياسمين وازاي تجيبه بيتنا كدة
ياسمين ده شخص انا اتعرفت عليه في البنك وبقينا اصدقاء
و اول ما حس انه معجب بيا وبيحبني قرر انه يجي لحد البيت ويطلع يقابل حضرتك علشان هو فعلا راجل وعمره ما بيعمل حاجة غلط.. بس حقيقي مش عارفة ايه الي حصل وخلاه يمشي كدة من البيت
والدها پحده شديدة مش عارفة ايه وزفت ايه وازاي انا معرفش الكلام ده كله ايه كنت نايم علي وداني
ياسمين پخوف ودموع لا يا بس عشان حضرتك اصلا مش موجود في حياتي فازي كنت هاقولك وبعدين انا باحب كريم وهو كمان بيحبني وما عملناش حاجه غلط
جابر حب ايه بس انتي مش عارفة حاجة كريم ندخل حياتك علشان يدمرها علشان ينتقم مني فيكي ياسمين من النهارده ما فيش حاجه اسمها كريم عزمي ده اطلاقا أسمه تنسيه
ياسمين پصدمة بس انا ما قلتلكش عن اسم والده يا بابا.. انت عرفت ازاي ان اسمه كريم عزمي حضرتك كنت تعرفه معرفة شخصية
جابر اتوتر اوي وبصلها وقالها انا داخل انام ولما اصحي هيبقي ليا تصرف تاني معاكي تماما..و خصوصا. لو عرفت انك كلمتيه
و فعلا دخل جابر اوضته علشان ينام لكن ياسمين دخلت اوضته وفضلت ترن علي كريم لكنه مردش خالص.
في الشارع.
.كريم كان بيتمشي فيه وكان بيعيط جامد پصدمة وخوف ومكنش عارف يروح فين..و قرر انه يروح البيت عند عساف..
كريم مسك تليفوني وكلم عساف اللي كان قاعد في البلكونه بيشرب سېجاره
عساف بضحك ايه يا كريم عايز ايه اتقدمت ولا لسه يا عريس
كريم وهو بيعيط عساف انا تحت بيتك مش قادره اطلع تعال اقف معايا شويه
فعلا عساف شافه ونزله الشارع
عساف بقلق انت عامل كدة ليه انت التاني
هو انت كنت بټعيط ولا ايه يا كريم
كريم كان بيبصله وهو متحسر علي نفسه وبيعيط
عساف پحده .. ما تتكلم يا كريم انا مش هفضل اكلم نفسي كدة واقلق علي الفاضي.. هو في حد عملك حاجة ولا ايه.. ده انا لسه سايبك وانت عايش في عشق الممنوع
كريم شوفته يا عساف.. بس ما عشت حوالي عشر سنين من حياتي بحاول انساه بعد ما ياست اني الاقيه علشان اخد حق ابويا منه شوفته النهاردة عسافانا حقيقي مش قادر افكر مخي وقف
عساف پصدمة انت اكيد بتهزر مش كدة..انت شوفت جابر يا كريم.. شوفته فين اتكلم يا ابني ده كدة ربنا بيرجعلك حقك تاني اللي ضاع من ١٥ سنة واكتر كمان
كريم طلع ابو ياسمين..البنت الوحيدة اللي اتمنيتها من الدنيا وطلعت بيتها النهاردة علشان بس اتقدملها واتجوزها علشان ابوها يحس اني راجل وقد المسئولية
البنت الوحيدة اللي عرفت تدخل قلبي وتفتحه بعد ما كان رافض انه يقرب من اي حد.. طلع ابوها هو اللي سرقنا وعايشني پقهرة طول عمري
عساف اټصدم من كلام كريم وسكت ومكنش عارف يرد بقول ايه تماما..
و فاجأه كريم اڼفجر في العياط وعساف قرب منه وحضنه اهدي يا كريم. وحياتي عندك اهدي
بقولك ايه احنا مش هينفع نقف في الشارع كدة
تعالي اطلع معايا.. يلاا
في اوضة جابر
جابر في سره هو انت كنت ناقصك انت كمان يا كريم
بقي بعد العمر ده كله نتقابل تاني.. ده لولا اني شوفت صورته اكتر من مرة مع صقر الحديدي ده مكنتش عرفته
مراته مش ام ياسمين واحدة في اوائل التلاتين مالك يا جابر..من ساعة من فتحت الباب ودخلت الاوضة تانية انت عمال تفكر
