انا وحماتي الجزء الثاني

ناوية على ايه ياما
ماجدة 
ناوية على ايه ناوية اجوزهالة طبعا
سحر 
طيب وسعيد هتعملي معاه ايه
ماجدة 
سعيد زي الخاتم في صوباعي وانا لما اقولة طلقها هينفذ علطول هو يقدر يتنيلي كلمة ده هو هيطلقها ونجوزها خالد واخليها تاخد منه اللي وراه واللي قدامة وتنفضة خالص وتخليه يطلقها ويرجعها سعيد علي ذمتة تاني
سحر 
يلهوي على دماغك ياما
ماجدة 
مالها يابت مش عجباكي ولا ايه
سحر 
مش عجباني ايه بس دي تعجب الباشا
ورجع سعيد من برة وقعد مع حماتي وقالتلة
اسمع ياسعيد عايزة اقولك على موضوع كده وتنفذه وانت ساكت
سعيد
خير ياما موضوع ايه ده
ماجدة
اصل خالد ابن خالتك طلب مني طلب كده وطبعا انت لازم توافق عليه بصراحة من ساعت
ما رجع من بلاد بره وافتكر ان هيام بنتي وهو كل شويه يزن عليا عايز يتجوزها
سعيد
ايه الكلام ده ياما ازاى هيتجوزها وهي على ذمتي
ماجدة 
مانت هطلقها ياروح امك ونجوزهالة
سعيد 
انتي بتقولي ايه لا طبعا مش هيحصل الكلام ده
ماجدة 
ياواد افهم بقولك راجع ومعاه شوال فلوس ده غير الشركة اللي عنده والعربية وحاجات كتير ده متريش على الآخر انت هطلق البت وبعدين تتجوزة وهي تخليه على الحديدة وفي الاخر تخلية يطلقها وترجعها انت
سعيد 
طيب وفكرك يعنى ان هيام هتوافق على كده
ماجدة 
ومتوافقش ليه ده كفاية العز اللي هتبقا عايشة فيه انت بقا زي الشاطر كده تقنعها الأول وتعرفها انك هطلقها عشان مصلحتها ومصلحتنا واكيد هتوافق ده عريس ميترفضش
سعيد 
انا بصراحة مش عارف اقولك ايه ياما لاني اصلا مش موافق على كده بس طالما فيها فلوس ومصلحة ميضرش
ماجدة 
ايوه كده انت حبيبي وابني بصحيح
وطلع سعيد في شقتنا وقالي 
بقولك ايه ياهيومة تعالي عايزك في كلمتين
هيام باستغراب 
هيومة وعايزني في كلمتين خير ياسعيد في ايه
سعيد 
في ايه يابت مالك مستغربة ليه عشان يعنى بقولك ياهيومه بدلع ياقلب سعيد
هيام 
امممم وماله ياسعيد دلعني زي مانت عايز 
ها عايزني في ايه بقا
سعيد 
في مصلحة كده جايلنا وفيها خير كتير لينا كلنا
هيام 
مصلحة ايه دي وبعدين انا اصلا دخلي ايه
سعيد 
لا دي المصلحة اصلا تخصك انتي ياجميل
هيام 
ازاى بقا
سعيد 
اصل خالد ابن خالتي مانتي عارفاه اللي لسه راجع من برة ده تصوري مفكرك اختي ههههه
هيام 
ايوه منا عارفه ومش فاهمة ليه لحد دلوقتي انت وامك مخبين عليه اني مراتك وهي حماتي
سعيد 
ماهو عشان بقا المصلحة اللي بقولك عليها
هيام 
طيب قولي ياخويا ايه هي بقا المصلحة في ان الراجل يفضل فاكر اني اختك
سعيد 
أصله عايز يتجوزك
هيام 
نعم عايز يتجوزني ازاى وانا مراتك
سعيد 
ماهو مش عارف انك مراتي
هيام 
وانت موافق ان مراتك تتجوز راجل تاني
سعيد 
منا هطلقك وهو هيتجوزك
هيام 
ينهار اسود ومنيل ايه الكلام ده ياسعيد انت عايز تطلقني عشان تجوزني ابن خالتك انت اټجننت
سعيد 
متعليش صوتك ياهيام واتكلمي بأدب واحترام
هيام 
انت خليت فيها ادب ولا احترام وطبعا الفكرة الژبالة دي فكرة الست امك مش كده برضو
سعيد 
اتلمي ياهيام بدال مانزل فيكي ضړب واخلص عليكي
هيام 
ياريت ياخويا تخلص
عليا عشان ارتاح منكم كلكم