حبست حماتي بقلم هويدا زغلول
رقيه انا نفسي اخلف وامي كمان
رقيه
ااه قولت لي بقا امك اللي عايزة كده مش انت اللي عايز تسكني في فيلا
جمال
طيب والله نفسي احقق لك اللي بتتمنيه وانا كمان يا رقيه صدقيني انا نفسي اوي بعيد عن الجواز والخلفه
رقيه
خلاص ياجمال اعمل اللي انت عايزة بس لو طلعت هي كمان مش بتخلف متبقاش تلوم غير نفسك اصل ممكن مش يحصل حمل وبكده بقا امك ساعتها هتفرح اوي
على فكرة يا رقيه هو مش معنى اني وافقت اتجوز جمال علي ضرة يبقا انا راضية على كده لا ياحبيبتي انا بس وافقت عشان هو اترجاني أوافق عليه وانتي على ذمتة
رقيه
لا كتر خيرك والله يا سهام هانم ده كرم منك اوي بس اللي انتي متعرفهوش انه جمال بيحبني ومش بيقدر يستغني عني
لا ده كل ده هيتغير لما احمل في البيبي اللي هو نفسه فيه ساعتها هيرميكي في الشارع
رقيه
هأ هانشوف هيحصل حمل ازاى من جمال لاني متأكدة جدا انك مش ها تحملي منه ابدا
وسبتها ومشيت وسهام قالت لنفسها
هي تقصد ايه بالكلام ده بس انا لازم اقول له اني حامل عشان اللي في بطني من ماجد اللي مرضاش يتجوزني وانا مصدقت اني لقيت واحد زي المفغل جمال ده يتجوزني عشان الزق له العيل
ايه ياسهام انتي بتكلمي نفسك ولا ايه مالك ياحبيبتي
انتبهت ليها سهام وقالت لها
ها لا لا مفيش حاجة ياحماتي انا بس كنت عايزك اقولك على حاجه هتفرحك اوي بس الموضوع يبقا بيني وبينك عشان العقربة اللي اسمها رقيه دي
الحما
خير ياحبيبتي قولي وانا مش هاقول لحد طبعا
سهام
انا حامل ياحماتي
الحما بفرحة
سهام
وطي صوتك لحسن اللي اسمها رقيه دي تسمعنا وتعمل فيا حاجة انا والبيبي ياحماتي
الحما
وهي تقدر تبص لك بطرف عنيها ده انا كنت اكولها وبعدين اقولك على رأيك خليها متعرفش دلوقتي احسن لحد لما نشوف هنعمل معاها ايه اما خليت ابني يطلقها مبقاش انا عايدة
انتي قاعده في البيت وواحدة راحتك اوي ياختي بس خلي بالك اللي انتي فيه ده مش هيدوم اصل انا هخلي جمال يرميكي قريب اوي
رقيه
انا نفسي اعرف انتي بتعملي معايا كده ليه مع اني طول عمري كنت شيلاكي ولا اشكيت وعايشة معاكي انتي وابنك في كل حاجة في الفرح وفي الحزن
عشان انا عمري ماحبيتك ولا كنت موافقه ان ابني يتجوزك وكنت بتمنا له جوازة حلوه من واحدة بنت ناس انما انتي لا
رقيه
طيب ليه ياحماتي ده حتى قايده لك صوابعي العشرة شمع انتي وابنك برضو ورحتى وجوزتية وانا برضو ساكتة عايزة مني ايه تاني
الحما
عايزاكي تغوري من هنا خالص مش عايزاكي معانا في البيت
هديت من نفسي ومسحت بأيدي على وشي وقولت لها
طيب تعالي معايا ياحماتي عشان اوريكي حاجة مهمة اوي وهتعجبك
الحما
حاجة ايه دي يابت انا مش عايزة اشوف حاجة من ريحتك
رقيه
بقولك دي حاجة هتعجبك اوي تعالي بس تعالي
وأخدتها ونزلت تحت في البدروم بتاع الفيلا ودخلتها وقفلت عليها وقولت لها
خليها هنا بقا ياحماتي عشان انتي مش بطيقي تشوفيني قدامك
الحما
افتحي يارقيه ايه اللي انتي بتعمليه ده انتي عايزة تحبسيني هنا انتي اټجننتي يابت انتي افتحي
رقيه وانا مش هفتح لك وهسيبك هنا بقيت عمرك وصدقيني محدش هيعرف مكانك ابدا يلا مع السلامه ياحماتي
وسبتها وطلعت فوق في الفيلا وفتحت التليفزيون واقعدت اتفرج عليه وجات سهام وقالت لي
ازيك يا رقيه عاملة ايه
رقيه
الحمد لله احسن منك ايه هو في حاجة ولا ايه
سهام
لا ابدا حاجة ايه مفيش حاجة خالص اصلك وحشتيني وانا قولت اجي اقعد معاكي شوية
رقيه
وده من امتى ده ان شاء الله
سهام
من هنا ورايح اصل لقيت نفسي بحبك كده فاجاة الا صحيح هي حماتي راحت فين مش شايفها قدامي
رقية
معرفش راحت فين وبعدين هو وانتي مش حبايب برضو ولا ايه يعني المفروض انك انتي اللي تبقى عارفة هي فين
سهام
اصلها مقالتش ليا هي رايحة فين فقولت اسالك
