قصة امي ومرضها

برضو ياماما رجلها بقي يا حماتي علي طول ۏجعها ومش بتقدر تقعد علي السرير كتير 
مش كده يا ماما ولا اي ما تردي مالك ساكته 
ليه كده وفي الوقت ده انا خۏفت منها وقولت
عايدة 
اه اه هو كده اصل انا ياختي فعلا اللي بحب اقعدة الأرض
الحما
طيب انا هقعد جنبك على الأرض وبعدها لقيت نسمه بتقولها
نسمة
لا ياحماتي انا هجبلك كرسي تقعدي عليه ولا اقولك اقعدي انتي على السرير متقعديش على الأرض
الحما
لا ميصحش طبعا يانسمه طالما امك قاعدة على الارض هقعد جنبها مينفعش انا ابقا اقعده على الكرسي وهي على الارض ويلا انجري على المطبخ اعملي لنا حاجة نشربها انا وامك
نسمه بارتباك
ااه حاضر من عنيا ياحماتي
عايدة بصت لنسمة پقهرة وسكتت
الحما
ها احكيلي بقا عاملة ايه ياعايدة تعرفي انك مجيتك هنا دي كويسه اهو نقعد انا وانتي نسلي بعضنا
عايدة
تسلمي يا ام إبراهيم انا والله بقول مش عايزة ابقي تقيلة على بنتي وجوزها وكنت اقعده افكر اشوف مكان اروح أعيش فيه وخلاص انشالله دار مسنين
الحما
ايه الكلام ده ياعايدة انتي هنا في بيت بنتك وان مشلتكيش الأرض نشيلك فوق راسنا اوعي تقولي كده تاني
عايدة
ربنا يكرمك يا ام إبراهيم انتي ست محترمة ربنا يباركلك
ودخلت نسمة المطبخ واتصلت بصباح وقالت
بقا كده ياواطية متقوليش ليا ان امي بتعمل حمام على نفسها عشان كده كنتي ترميها منك لله يا صباح
صباح
بقولك ايه يا بت اتلمي واسكتي انا شيلت امك وقرفها كتير ياختي الدور عليكي بقا ياروح امك شوفي هتستحمليها ازاى
نسمة
ده انا مش مستحملاها يوم واحد استغفر الله العظيم اعمل ايه بس
صباح
خلاص ارميها في اي حته واسكتي انتي يعنى هتغلبي هي كانت أمي ولا أمك اعملي اللي انتي عايزه بقي
نسمة
ماهو لو مكنش جوزى موصيني عليها كنت رامتها وخلصت بقولك ايه ياصباح اقفلي دلوقتي يلا في داهية وقفلت معاها
انا ذنبي اي في القرف ده انا واحده 
بقرف من خيالي اشيل واغير لست كبيره 
وفي شقه فتحي كانت قاعده صباح وقالت
صباح قالت
شوف ياختي
البت وقلة ادبها ده انتي الله يكون في عونك ياعايدة
فتحي 
دلوقتي صعبانه عليكي مهي كانت قاعده معانا 
واحنا كنا مستفدين بالمعاش
صباح 
يغور المعاش يا اخويا ريحه الشقه 
كانت طول وحشه ولا انت مش كنت شامم 
ريحتها كانت عامله ازاي
فتحي 
بس كنت بشوف فلوسها اللي كانت 
بتديها لينا انا مش عارف هقدر 
اصرف ازاي اليومين دول مرتبي مش بيكفي 
خالص
صباح
طلع من تحت البلاطه يا اخويا مانا عارفه 
انك معاك فلوس قد كده
فتحي 
خليكي انتي حاطه عينك علي القرشين 
دول بقولك اي انسيهم 
خالص انتي فاهمه ولا لا انا مش هطلع 
اي فلوس خالص من معايا قفلي بقي علي الحوارات وبعدها قام وسبها وفي شقه نسمه 
دخلت عندي وقولت
عايده 
بقولك اي يا بنتي بالله عليكي هاتي بطانيه 
تاني احطها تحتي انتي مش عارفه 
الجو ساقعه وعامل ازاي
نسمه 
بطانيه اي هو انا ناقصه اقوم 
القي ريحتها وحشه مافيش بطاطين
عايده 
طيب ارجوكي يا بنتي خليني انام 
علي السرير واقولك هحاول 
مش انام كتير علشان ميحصلش كده
نسمه 
انتي اصلا هتنامي على البلاط كده عشان الصبح اعرف امسح مكانك بدل ما تبهدلي السجاد انا مش قادرة انضف كل يوم واغسل سجاد وكمان عندي عمليه عشان الخلفة كمان يومين ولازم اكون مرتاحة قبلها انتي سمعتي ولا لا
عايدة
حاضر يانسمه يابنتي هنام على البلاط زي مانتي عايزة بس هاتيلي اي حاجة افرشها انشاالله ملايه حتى
نسمة
انا بقولك عايزة ارتاح عشان العمليه ومش عايزة اغسل وانضف تقوليلي هاتي ملايه انتي هتنامي على البلاط انا بقولك اهو
عايدة
حاضر انام على البلاط بس اسمعي نصحيه مني يانسمة اوعي تخلفي يابنتي خليكي كده من غير خلفة