قصة استدعاء القرين

إنك بتسأل علي اسمي وانت عارفه قالي وهأعرفه منين !! قولتله ماهو انا عمر لقيته بيضحك ويقول وهو حضرتك إسمك عمر برضه فجأة لقيت زميل تاني دخل وبصلي وقال اي ده هو عمر مجاش ولا إيه مكنتش حاسس بنفسي ولا حاسس باللي حاوليا من اللي سمعته سبت الشغل ومشيت ..
روحت عالبيت وانا برن علي صحبي بتاع العفارېت ده لكن مكانش بيرد عليا كان قافل تليفونه لما روحت البيت ووصلت لباب الشقة بتعتي وطلعت المفتاح عشان افتح الباب وفجأة وانا بفتح الباب لقيت واحد من سكان العمارة
بيقولي انت مين ! وبتفتح شقة الاستاذ عمر ليه!
حضرتك انا الاستاذ عمر !
رد عليا وقال انت الاستاذ عمر ازاى يعني !هتعميني ولا إيه !! قولتله حضرتك والله انا عمر وانت الراجل المحترم بصراحة كنت ناسي اسمه بس هو كان عارفني فجأة لقيته مسك فيا وقال انت حړامي وكنت جاى تسرق الاستاذ عمر ولقيته بيقول بصوت عالي في العمارة حراااامي .. حړامي عايز يسرق شقة الاستاذ عمر الناس اتلمت وكل اللي كان جاى كان بيضرب فجأة لقيت واحد بيقول الاستاذ عمر جاى اهو علي السلم انا قومت عشان اشوفه لقيته انا ايوه دا انا فعلا طب ازاى ..
الناس قالتله ان ده حړامي عليا كان عايز يسرقك لقيته بصلي وأبتسم ابتسامة مخيفة وكأنوا فاهم اللي بيحصلي
الناس فضلوا يضړبوا فيا لحد ما خرجت من العمارة انا مكنتش حاسس بالضړب بعد اللي شوفته ازاى !! ازاى ده شبهي كأني واقف قدام مرأيا بس انا مش عارف شكلي الجديد ايه بسبب اني ببص في المرأيا مش بظهر فيها
حاولت اكلم صحبي اللي يا ريتني ما سمعت كلامه لكن التليفون عير متاح مش عارف ليه نفسي يرد عليا لانوا هو الوحيد اللي هيكون عارف حل للمشكلة اللي انا فيها دى
بقيت في الشارع مش عارف اعمل حتي الشركة مشيت منها
فجأة لقيت رسالة جت علي تليفوني والغريب ان الرسالة جت لي علي التليفون كانت بنفس رقم خط التليفون بتاعي طب ازاى ! الرسالة كان مكتوب فيها انت اللي اخترت اكون موجود وانت دلوقتي ملكش وجود وانا مكانك وانت مكاني 
ده اللي كان مكتوب في الرسالة ..
مكانش فيه قدامي غير اني أروح الجامع لاني مليش مكان اروحوا ومفيش غير ربنا وبيته اللي هيقبلني لما دخلت الجامع لقيت شيخ قاعد وبيقرأ في المصحف جه في بالي اني احكيله اللي حصل واللي بيحصل معايا قعدت معاه وحكيتله قالي يا بني ده حسب كلامك ده القرين الشېطاني بس اكيد اللي حصلك ده بسبب بعدك عن ربنا لان مفيش مؤمن قريب من ربنا الحاجات دى بتأثر فيه ..
ده كان كلام الشيخ حسيت براحة نفسية من كلامه وحسيت
ان شاء الله في حل للي بيحصل معايا وربنا يبعد عني القرين ده ..
بعد ما خرجت من الجامع رنيت علي صحبي بعد شوية من قفل تليفونه فجأة لقيت تليفونه فتح وبيديني جرس قولت الحمدلله هيرد اهو لقيته رد ۏقپل ما اتكلم لقيته قالى قبل ما تقول حاجة انا عارف انت عايز تقول إيه عشان تخلص من قرينك امسح إسمه من علي المرأيا اللي كتبته عليها واكتب إسمك من غير ما تعكسه وقول اسمك تلت مرات بعد ما قال كده قفل وانا فرحت جدا بس مكنتش عارف هدخل البيت ازاى وهو موجود استنيت في الوقت اللي بروح فيه الشغل انا ماهو اكيد هو مكاني وطلعت العمارة ودخلت الشقة وجريت علي المرأيا لكن lټصدمت! لقيتها متكسړة جمعتها ولصقت المكان اللي في الحروف ومسحته وكتبت اسمي عمر من غير ما اعكسه وقولته تلت مرات هنا لقيت شكلي ظهر في المرأيا مكنتش مصدق اني رجعت اشوف نفسي تاني فتحت باب الشقة ووقفت قدامها عشان أشوف رد فعل الناس عشان اتأكد اني رجعت تامي لقيت نفس الراجل كان نازل استنيته لحد ما وصل عندى فضلت باصصله لحد ما لقيته بيقولي ازيك يا استاذ عمر في اللحظة دى اخدتوا بالحضڼ .
استدعاء_القرين