حماتي وسلفتي حوامل

حسام ورحاب عند حماتي وامجد فتح لهم الباب وحسام قاله
ياساتر يارب وسع كده عشان الهوا لو سمحت ودخل قال ياماما
امجد 
جرا ايه ياحسام في ايه مالك بتعاملني كده ليه ده حتى المفروض تتعامل معايا كويس ده انا جوز امك ياجدع
حسام 
اسمع يا امجد اياك اسمعك بتتريق كده انت فاهم ولا لا
امجد 
حاضر يا حسام انا هستحمل لك عشان خاطر ست الكل وست الستات
حسام
طيب اوعي بقا من وشي عشااان 
ولسه هيزقه راحت حماتي خارجة من جوه وقالت 
حساااام ايه اللي انت بتعمله ده انت اټجننت
امجد 
تعالي ياسمسم شوفي ابنك اللي كان عايز يضربني
رحاب 
هو ولا كان عايز يضربك ولا حاجة يا أمجد اصل حسام كان جاي عشان يفرح مامته بخبر مهم
ابتسام 
خبر ايه ده يارحاب
حسام 
رحاب حامل ياماما وقولت ننزل انا وهي نبشرك انتي اول واحده
ابتسام بفرحة 
وانا كنت في شقتي انا واسامة وسمعنا زغاريط واسامة قال
وده ايه صوت الزغاريط ده ده عندنا في البيت تكونش امي اتجوزت تاني
ياسمين 
ههههه ايه اللي انت بتقوله
اسامة 
الله مايمكن ياحبيبتي الله اعلم وبعدين انا مبقتش بستبعد حاجة خلاص تعالي لما ننزل نشوف في ايه
ونزلت انا واسامة ولقينا حماتي وكان عندها حسام ورحاب وقالت لأسامة
تعالي يا اسامة بارك لاخوك ياحبيبي مش رحاب حامل والله وعملتها الجديده والقديمة معرفتش
طبعا كلامها كان ليا انا داريت حزني لما اتضايقت من كلامها وقولت لرحاب
الف مبروك يارحاب ربنا يكملك على خير يارب
اسامة
الف مبروك يارحاب مبروك يا حسام يتربى في عزك ياخويا
رحاب
الله يبارك فيك اسامة وعقبالك ياياسمين ان شاء الله
ياسمين
ان شاء الله ياحبيبتي تسلمي
الحما
اسمعي بقا يابت يارحاب اوعي تتحركي ولا تعملي اي حاجة في البيت ولو احتاجتي حاجة تقولي لياسمين تعملها لك اهي بطنها ومشالتش وعشان كده هتبقي
بصحتها
رحاب بخبث وبدلع قالت
لا ياحماتي
انا اصلي مش عايزة اتعب ياسمين
ياسمين
لا ياحبيبتي تعبك راحة اي حاجة انتي عايزاها قولي لي وانا اعملها لك
اسامة بص لي ولما لاقاني مضايقه قال لي
طيب يلا بينا يا ياسمين عشان تعملي اتعشا أصلها كانت بتحضر الاكل وبعدين لما سمعنا الزغاريط قولت انزل اشوف في ايه
ابتسام
ومالو ياحبيبي خود مرات
واطلعو فوق
وطلعت انا واسامة وقال لي 
اوعي تزعلي ياياسمين انا مش عايز عيال انا عايزك انتي عشان انا لو لفيت الدنيا كلها مش هلاقي زيك
ياسمين بټعيط 
شوفت كلام مامتك يا اسامة هي دايما تجرحني بكلامها كده مفيش فايده فيها طيب ودلوقتي لما مرات اخوك حملت هتعمل فيا ايه
اسامة 
ولا حاجة محدش هنا يقدر يكلمك طول منا موجود سيبك منهم ياحبيبتي
ياسمين 
ربنا يخليك ليا يا اسامة يارب
وتحت عند حماتي حسام قال لأمه 
مكنش في داعي ياماما تقولي الكلمتين دول قدام ياسمين شكلها اتضايقت
ابتسام 
وانا يعني قولت ايه ياحبيبي سيبك منها دي بتدلع على اخوك بس والنبي لاجوزه عشان يجيب واحده تخلف له الواد
حسام
يووه انتي الكلام معاكي مش نافع يا ماما انا طالع فوق يلا يا رحاب
رحاب
طيب اطلع انت ياحسام وانا شوية وجايه وراك ياحبيبي
وطلع حسام وساب رحاب مع أمه وقالت لها
شوفتي الغل اللي كان عنيها ياحماتي دي كانت هتروح من القهرة
ابتسام
ايوه يابت شوفت اومال ايه
رحاب
بقولك ايه يا حماتي ياسلام بقا لو تحملي انتي كمان ونغيظها احنا الاتنين ونخليها تولع في نفسها
الحما
انتي اټجننتي يابت وانا هحمل ازاى بقا ان شاء الله ياروح امك
رحاب
انا هاقولك انتي تروحي للدكتورة تيديكي منشطات عشان الحمل يحصل عندك بسرعه انتي لسه صغيرة ياحماتي ده انتي لسه 47 سنه يعني تقدري تخلفي
الحما
يووه جاتك ايه يابت يارحاب طول عمرك ناصحة يابت اومال انا جوزت ابني ليكي من شويه طب انتي عارفه انا اعرف واحده كانت صاحبتي خلفت على 50 سنه ههههه كان جوزها
رحاب
طيب ماهو اكيد امجد هو كمان ولا ايه
الحما
بس يابت متكسفنيش هيهيهي
رحاب
خلاص يبقا اتفقنا انا هاخدك بكرة ونروح للدكتورة وهي تظبطك ونكيد البت ياسمين ونخليها تخدمنا احنا الاتنين
ضحكت
حماتي وقالت
عندك حقك يا بت يا رحاب خلاص انا
موافقة اروح معاكي عند الدكتوره
وفعلا تاني يوم رحاب وحماتي راحو للدكتورة وقالت لهم
اطمني يامدام ان شاء الله هيحصل حمل لما تاخدي البرشام اللي هكتب لك عليه دلوقتي بس تاخديه بانتظام تمام
ابتسام
تمام يادكتورة ان شاء الله هنتظم فيه شكرا لحضرتك يلا بينا يا رحاب
رحاب
حاضر ياحماتي طيب اخرجي انتي على ماقول للدكتورة على حاجة بتحصلي كده