جوزي
حضرتك اني هكون عند حسن ظنك بيا
ندى
اتمنى يا جهاد يلا اتفضلي روحي مع الدادة اللي هتوريكي الفصل بتاع الاطفال اللي هتتابعي معاهم
ودخلت جهاد الفصل وفشلت تتعامل مع الاطفال بحب وحنان وعدت الايام وفضلت جهاد تروح الحضانه وكانت مبسوطه بشغلها وفي يوم شافت بنت صغيرة بټعيط وقربت منها وقالتلها
جهاد
مالك يا حبيبتي بټعيطي ليه كده مين اللي زعلك بس واسمك ايه
اسمي خديجة
جهاد
الله اسمك جميل اوي يا خديجة ها قوليلي بقي انتي بټعيطي ليه
خديجة
عشان بعد بكرة عيد الام وكل اصحابي هيجيبو هدايا لمامتهم وانا لا مش هجيب
جهاد
طيب ليه يا قلبي ما انتي لو مش معاكي فلوس ممكن تاخدي من بابا فلوس وتجيبي هديه لماما
خديجة
لا مش هينفع اصل ماما راحت عند ربنا ومش راجعة تاني
يا حبيبتي طيب خلاص ما تزعليش ايه رايك بقي انا اللي هجبلك هدية قمر زيك كده وتعالي يلا نعلب في شويه جوه
واخدتها جهاد وفضلت تعلب معاها وبعد شويه لقت راجل قرب من من خديجه وبيقولها..
الراجل
يلا ياخديجة عشان نروح
خديجة
لا يا بابا انا مش عايزة اروح انا عايزة افضل هنا مع مس جهاد انا حبيتها اوي
مساء الخير يا استاذه جهاد انا خالد منصور والد خديجة
جهاد
مساء النور يا افندم اهلا وسهلا بحضرتك
خالد
اتمنى ان خديجة ما تكونش ازعجتك او تعبتك هي شقيه شويه معلش
جهاد
لا لا خالص دي خديجة دي بنوتة زي القمر ربنا يحميها يارب
خالد
أمين يارب متشكر اوي يلا بينا بقي يا خديجه عشان نرجع البيت
بابا هو ما ينفعش ناخد مس جهاد معانا البيت وتبقي هي ماما
جهاد وخالد بصو لبعض وخالد قال
احم انا اسف جدا يا انسه جهاد انا اااا
جهاد
ماتقولش حاجة انا عارفة ان خديجة اتحرمت من مامتها وڠصب عنها برضو بتقول كده يلا يا خديجة روحي دلوقتي مع بابا وبكرة هنلعب
_ومشيت خديجة مع ابوها وعدت الايام وخديجة اتعلقت اوي بجهاد وهي كمان وفي يوم خالد راح لجهاد الحضانه وكانت واقفه بره الحضانه عشان مروحه وقالها...
ممكن نتكلم شوية يا استاذه جهاد يعني لو تسمحيلي اعزمك على فنجان قهوة ونتكلم
جهاد بتوتر
بس ااا طيب تمام وراحت معاه كافيه وخالد قالها
انا شايف خديجة اتعلقت بيكي اوي يا مس جهاد وهي اصلا عمرها ما اتأقلمت مع حد بعد مامتها وعشان كده ده اللي شجعني وخلاني اجي واقولك توافقي تتجوزيني وتبقى ام لخديجة
حضرتك فجأتني يا استاذ خالد انا اااا .....
خالد
قبل ما تكملي كلامك انا عارف انك مطلقه ومفيش في حد في حياتك
جهاد
ومش بخلف يا استاذ خالد
خالد
وانا عايزك كده زي مانتي كفاية علينا خديجة اهي هتبقي بنتنا ونربيها سوا..
_ وبعد مده من التفكير جهاد وافقت وفعلا اتجوزت خالد وكان حنين اوي عليها وعند معتز امه كانت قاعده معاه قالتله..
فتحيه
هو انت ومراتك مش ناوين تفرحو قلبي بقي يا ابني نفسي اشيل ولادك
معتز
وانا هعمل ايه بس يا أمي ما انتي شايفه اهو على يدك انا كمان مستني بفارغ انا نازل رايح شغلي يلا سلام
قال كلامه وقام ومشي راح شغله وخرجت حنان من الاوضه وقالت بعصبيه..
حنان
بقولك ايه سبينا براحتنا ومش تستعجلينا في الخلفة ولا انتي فاكرة انك هتخليه يروح يتجوز عليا واحده تانيه عشان يخلف لما نتأخر
الحما
وليه لا يا اختي ابني ومن حقه يتجوز أربعة
حنان
لا يا حبيبتي ده مش معايا الكلام ده انا غير مراتة الاولانية انتي سامعة ولا لا ويلا قومي اعملي الاكل قبل ما المحروس ابنك يرجع من الشغل الله ما تقومي يا
