صدمة عمري في خطيبي

 

قايلالي كل حاجه عنكم
فلاش باك 
يوسف كان قاعد مع ولاء وقال
يوسف 
بصراحة يا ولاء انا مكسوف اوي من الشبكة اللي جبتها ليكي بس اعمل ايه ده اللي كان معايا انا لو عليا عايزة اجبلك الدهب اللي في الدنيا كلها تحت رجلك
ولاء 
متقولش كده يا يوسف كفاية عليا دول بس وبعدين منا معايا دهب كتير انا واخواتي يعنى مش محتاجين

يوسف 
ايه ده بجد انتو عندكم دهب فعلا
ولاء 
ايوه طبعا انا هحكيلك اصل بابا كان لما بيبقا معاه قرش يروح يشتري ليا انا واخواتي دهب ويقول اهو بينفع للزمن وعشان كمان يجهزنا منه بعد كده اهو دلوقتي بقا مشاء الله كل واحدة فينا عندها دهب يجي بحوالي 100 الف وأكتر
يوسف
ااه طيب كويس انه بيفكر كده ربنا يخليه ليكم ياولاء عم محروس راجل محترم بصحيح وعرف يامن مستقبلك انتي واخواتك
ولاء
ايوه طبعا ياحبيبي
يوسف
اسمعي يا لولو اوعي حد يعرف بالكلام ده وانا من ناحيتي مش هعرف حد ابدا وكمان متقوليش لاخواتك انك حكيتيلي حاجة تمام
لاحسن يقولوا أن طمعان فيكي ولا حاجه وعايز الدهب
ولاء
حاضر يا يوسف مش هجيب سيرة
رجوع
رجع من تفكيرة وقال الدهب اللي معاكم ده فلوسه هتكون ليا انا يابنات عم محروس
وفي المستشفى روحت انا واخواتي نزور هبه بنت عمنا
ليلى
الف سلامه عليكي ياهبه
نيرة
عامله ايه طمنينا عليكي وايه اللي حصل ده يا هبه
ولاء
براحة عليها يابنات الدكتور قال مش نجهدها بالكلام
هبه بصوت تعبان
انا معرفش ايه اللي حصل بس لقيت بابا بيقولي انه واحد قاله شافني ماشية مع واحد بس الكلام ده محصلش
نيرة
طيب مين اللي عمل كده وكلم عمي ومين اللي بيعمل معانا كده
ولاء
قصدك ايه يانيرة يعني اي معاكم
نيرة انتبهت لكلامها وقالت
هااا لا لا ابدا مفيش انتي بس ياهبه ان شاء الله تقومي بالسلامة وتبقى كويسه
ولاء 
عمي والله بيحبك واكيد هيتاكد ان اللي حصل 
ده كدب المهم نسيبك بقي ترتاحي يلا بينا 
يا بنات 
واخدنا بعدنا ومشينا من عندها
وفي البيت ليلى في اوضتها بتكلم يوسف في التليفون
ليلي 
ايوه يا يوسف هبعتلك الرقم واتس دلوقتي وشوف انت بقا هتعمل ايه مع الزفت اللي بيهددني ده
وبعدها بشوية يوسف كلمها وقالها
يوسف
ايوه يا ليلي الرقم اللي انتي ادتهوني ده غير موجود بالخدمة
ليلى
ازاى يايوسف ده مكلمني منه امبارح
يوسف
هو اكيد بيتصل منه وبعدين بيقفلة لما يخلص المكالمة معاكي بس متقلقيش انا هتصرف انتي بس تعرفيني اول بأول ماشي سلام دلوقتي
ليلى بتكلم نفسها اعمل ايه ياربي احكي لاخواتي على كل حاجة يمكن نلاقي حل انا وهما لا لا بلاش احسن لحد ماشوف يوسف هيعمل ايه
وعند نيرة جالها تليفون
المجهول 
عملتي ايه في الفلوس جهزتيها ولا لسه ياقمر
نيرة 
لا مجهزتش حاجة ومفيش فلوس واللي انت عايزة اعمله لاني عارفة نفسي كويس وواثقه ان واحد خسيس ومتقدرش تعمل ايه حاجة 
وقفلت في وشه
يوسف قال لنفسه عارفك عندية يا نيرة وشخصيتك قوية بس قمر
سامح بيتصل بنيرة 
عايز مني ايه بتتصل بيا ياسامح
سامح 
انا قولت اسيبك يومين تهدي فيهم كده وبعدين نتكلم ماهو مش هينفع تتهميني وانا مش عارف ابرأ نفسي قدامك انا والله ماعرف حاجة عن الفيديوهات دي صدقيني
نيرة 
انا مخنوقه اوي ياسامح ومش عارفة اتصرف ازاى لما الاقي واحد كل شوية ېهدد فيا وعايز فلوس نفسيتي تعبت
سامح 
اهدي بس يانيرة وكل هيتحل عايزك تبعتيلي رقم اللي بيهددك ده وانا هتصرف 
وفعلا بعتتلة الرقم وكالعادة الرقم مغلق او غير موجود بالخدمة
ويوسف جه عندنا وقاعد معايا
ولاء 
ايه الاخبار يايوسف ياترى حليت مشكلة الفلوس ولا لسه
يوسف 
اديني بحاول يا لولو بس ان شاء الله قريب اوي هكون حجزت اوضة

النوم ودفعت