ذئاب الجبل ( عودة البدري )

طلب نقل .
مدير الامن .
منا فاهم .بس ليه .دانت مكنتش طايق هواره ولا حتي عاوز تخدم في الصعيد بحاله ايه اللي جد .
عصام 
يافندم اصل انا الشغل هنا في اسكندريه مش عاجبني
وعاوز ارجع الصعيد بصراحه علشان الشغل هناك اكتر
وانا سعادتك يافندم من النوع اللي ميحبش القعده زى ما حضرتك عارف 
مدير الامن .
مشكلتك ياعصام اني فاهمك كويس حتي لو كان قصدك غير كده 
عصام .
غير كده ازاى يافندم .
مدير الامن .
ينظر الي الضابط عصام مبتسما
طيب ياعصام .
سيبلي الطلب يومين كده وهرد عليك 
عصام 
ارجوك يافندم ياريت سعادتك تعرف اني بجد محتاج النقل ده 
مدير الامن .
ماشي ياعصام .ماشي .
سيب الطلب واطمن متقلقش 
عصام .
شكرا شكرا جدا يافندم 
ربنا ميحرمنيش من كرم سعادتك 
ويعطيه التحيه وينصرف .
.
المشهد
في منزل دكتور حاتم 
حاتم .
ياوردة هو لازم يعني موضوع نزولكم الصعيد .
ما احنا خلاص استقرينا هنا 
والبدرى كمان اتجوز واستقر وبقت حياته وشغله هنا كمان .
ايه لازمة نزولكم بقي .
وردة وهي تلاعب البدرى الصغير.
يا حاتم يا حبيبي انت لسه خاېف .
حاتم 
ياوردة . ياورده
مش معنى ان البدرى خلاص ربنا هداه الخطۏرة زالت .
الخطۏرة مازالت قايمه 
انت ناسيه العربي ابن عمك واللي خطورته متقلش عن خطۏرة البدرى يعني لما تنزلو تفتكري هيسكت 
وردة 
متقلقش ياحاتم .متقلقش 
اخويا بدرى معايا والكل بيعمله حساب .
ومحدش يقدر يقربلى طول ما انا في حماه.
جرس الباب يرن .
حاتم يذهب ليفتح الباب 
البدرى من على الباب .
السلام عليكم يا دكتور حاتم .
لا مواخذة جيت من غير ميعاد
انا بس كوت معدى من اهنه قلت اعدى اطمن عليكم واقول لوردة كلمتين .
حاتم .
متقولشي كده يا فاروق بيه 
قصدى يا بدرى بيه 
ويضحكون .
معلش اصل متعودين نقولك يا فاروق بيه 
البدرى لاه ولا يهمك يا دكتور ولا يهمك بكرة تتعودو عليه .
حاتم 
طب اتفضل يابدرى بيه اتفضل ميصحش تقف على الباب كده 
ويدخل البدرى ويسلم علي ورده ويمسك البدرى الصغير
ويلاعبه قائلا له 
يلا يا بدرى علشان تنزل هوارة تشوف ارضك وناسك .
وينظر الي ورده .
يلا

________________________________________

جهزى حالك ياوردة .
بكره الصبح هنددلو لهوارة
مش عاوزين نتأخرو اكتر من اكده .
وردة .انى جاهزه يابدرى 
انى جاهزة .
حاتم .
يابدرى بيه انت مش شايف نزولكم البلد فيه خطۏرة عليكم 
البدرى 
لااااه لا يادكتور حاتم
نزولنا لازما منه.
وحتى لو فيه خطوره لازم اواجهها.
وابوى الشيخ بدار الله يرحمه .
ماټ ومختش عزاه ولا حتى دفنته 
لازما نزورة انا ووردة ونقرو علي روحه الفاتحه .
واقوله اطمن يابوى .اطمن انا رجعت بوردة وربنا استجاب لدعواتك وهداني وشال الغشاوة اللي علي عنيا 
الله يرحمك يابوى .الله يرحمك ياشيخ بدار .
وبعدين اطمن يا دكتور حاتم .
انا عارف انك خاېف على وردة .
ومش اكتر من خۏفي عليها 
بس لازما نتدلو لهوارة .ونواجههم ونفهمهم ان ده لا غلط ولا حرام .
وبعدين يا دكتور حاتم الخطړ مش في نزولنا لهوارة 
بالعكس الخطړ الاكبر في بعدنا عنها 
الكل وعي للي حصل 
واكيد كمان الخبر وصل للعربي .
والخۏف كمان مش من العربي لحاله لاااه .
وعلوان كمان علوان 
انا خابرة زين 
مش هيبطل زن على ودان العربى.
والعربي لما بيسخن بيجن 
عرفت يا دكتور حاتم ان نزولنا مهم .ومهم قوى كمان 

فكرة وتأليف حماده فاروق هاشم
للابلاغ عن السرقه 01155012055

المشهد.
في بيت علوان .
علوان متكئا علي سريره وبجوارة نعمه ودبور .
علوان .
هو البدرى صح نازل هواره 
هو الجدع ده معيختشيش ولا ايه .
له عين يعاود بعد العمله اللي عملتها البت اخته ولا ايه عاد .
دبور ينظر الي علوان قائلا .
باه ياعلوان 
نستنو بس لما يعاود وهنفهمو كل الحكايه .
علوان .احنا هنستني لما يعاود 
الجدع ده رجله معتخطيش هوارة تاني بعد ما خدعنا وطلع هو اللي هرب اخته ودسها عن واد عمه عربي هو وين عربي وين .
دبور .باااه باعلوان .
وعاوز عربى في ايه ياواد عمى .
سيب عربى فى حاله 
عربى مش ناقص . 
من يوم ما وعى على خبر رجوع البدرى وورده وعفاريت الدنيا عما تتنطط فى وشه . 
سيبه ياواد عمى 
سيبه الله يرضى عنيك 
العربى يدخل 
سلامو عليكم . 
حمدالله على سلامتك ياعلوان 
علوان اهه العربى جه 
العربى 
فية ايه . كانكم تتحدتو عنى . 
في ايه يادبور 
دبور ينهض ويخرج 
علوان ينظر الي نعمه ويطلب منها الخروج لينفرد بالعربي 
العربي . فيه اي ياعلوان . 
علوان . 
بص ياواد عمي واسمع الحديت اللي عقولهولك ده زين 
العربي حديت حديت ايه ياعلوان . 
خش في الموضوع وبلاش لف ودوران 
علوان . 
يااااعربي . ياواد عمى . 
انت اكيد خابر ان البدرى وورده معاودين هوارة . 
العربى 
علوان انت ملكش صالح بالحكايه دى . ووفر على روحك الحديت 
علوان . باااه ياعربى 
انا قلبى عليك يا واد عمى . 
فكرك يعنى