ذئاب الجبل ( عودة البدري )

.
خدمه الغرف يا فندم 
علوان .
معايزشي حاجه .روح دلوقيت 
ويرجع علوان .ويكلم نفسه .
وبعدهالك يا علوان .هتفضل مرعوووب اكده لاه 
مش دبور اللي يعمل فيك اكده .
مش دبور يا علوان .
المشهد اسكندريه .
صلاح قاعد علي المكتب قدام حاتم.
صلاح .
ابسط يا سيدي .المشروع خلاص .
كلها يومين بالكتير ونسلم اكبر وافخم مشروع في اسكندريه 
الحكومه هتنبسط مننا اوى .
حاتم 
علي الله يا سيدي .
لازم بقي نعمل افتتاح كبير يليق بالانجاز العظيم اللي عملناه ده ونعزم فيه كل رجال الاعمال والمسئولين .
المشروع ده هيفتح لشركتنا مشاريع تانيه اكبر واضخم .
صلاح 
باذن الله باذن الله يا حاتم .
يااااااااااه يا حاتم ياااااه انت متعرفش قد ايه انا تعبت في المشروع ده 
حاتم يبتسم .
ياسيدي متقلقش 
هكافئك .ليك مكافئه كبيره اوي بخصوص المشروع ده 
صلاح .
اخص عليك يا حاتم .اخص .
هو انا منتظر مكافئات .
انا فرحتي بالانجاز العظيم ده وخروجه للنور اكبرها عندي من اي مكافئه .
اخص عليك ياحاتم .
مش صلاح اللي الفلوس تهزه او تأثر فيه .
حاتم .
طيب يا سيدي ولا تزعل نفسك 
انا هكلم البدري بيه واقوله ان باشمهندس صلاح متنازل عن مكافئته في سبيل المشروع .
ويمسك حاتم سماعة التلفون 
وصلاح يمسك ايده .
انت هتعمل ايه يا مچنون 
استني انا هتنازل وهتضطر اخد المكافئه دي .وامري لله .
ويبص حاتم لصلاح وېموت علي نفسه من الضحك 
المشهد .نقطة بهتون .هواره .
الضابط عصام بيتكلم في التليفون وبيسأل 
يعني يا دكتور هقدر استجوبه النهارده 
الامر مستعجل جدا يا دكتور مش محتمل التأخير 
ماشي يا دكتور .هنتظر منك اتصال .مع السلامه .
ويقفل الضا بط عصام السماعه وقدامه الصول نفادي .
خير يا فندم طمنا علي دبور .
الضابط عصام 
لسه ياسيدي مفقش .
لكن الدكتور طمني وقالي ان حالته اتحسنت وساعات وهيفوق 
نفادي 
الحمد لله والشكر لله .
الضابط عصام 
مفيش اخبار عن الملاعين دول 
نفادي .
ملاعين ملاعين مين يابيه 
الضابط عصام 
هو فيه غيرهم المطاريد 
نفادي 
ايوة ايوه المطاريد 
لاه لا يابيه مفيش 
الضابط عصام 
وبعدين هنفضل سايبينهم كده بعد اللي عملوة 
لازم يا نفادي تشغل مخك شويه عاوزين اخبار عنهم مش هنقعد كده مستنينهم لنا يظهرو هم .
نفادي 
يعني اعمل ايه يا بيه 
هم محرصين قوي قوي .
اكتر من قبل سابق بكتير .
بكتير قوي

________________________________________

قوي.
الضابط عصام 
هقولك انا تعمل ايه
افتح ودانك واسمعني كويس .
المشهد .قنا .تعيلب .
تعيلب بيتكلم مع الشخص اللي هينزل بهتون ويعيش فيها علي انه تاجر زى ما اتفق معاه 
تعيلب 
خلاص يا عزوز .زى ما قولتلك .
انت تاجر بهايم زي فهمتك 
امسك القرشينات دول 
هتنزل بهتون وهتسأل عن الموطرح اللي اشتريته ليك وهتعيش فيه 
القرشينات دول لزوم تجارتك وعشان الكل يصدق انك تاجر كبير 
واياك اياك يا عزوز حد يوعي للسبب الاصلي اللي انت نازل عشانه .
فااااهم يا عزوز 
عزوز 
فاهم .فاهم يا تعيلب يا واد عمي .
عايزك تطمن واصل ومتعولش هم
محدش هيعرف واصل انا مين وجاي منين 
تعيلب 
عفارم عليك ياعزوز .
يلا اتكل علي الله انت .
ومستني منيك اخبار زينه 
المشهد اسكندريه 
البدري راح لخاله لبيبه عند ورده علشان ينفذ رغبته انها ترجع بهتون 
البدري 
بس يا خاله لبيبه لو اعرف انتي ليه محكمه راسك تعاودى لهواره 
لبيبه 
مفيش ياولدي انا بس قلبي واجعني مش عارفه ليه .
وحاسه اني لازم اعاود هواره 
البدري .
طيب طيب يا خاله لبيبه 
انا حجزت ليكي القطر بكره الصبح بدرى علشان توصلي قنا في النواره 
بكره بدرى هفوت عليكي علشان اوصلك 
لبيبه 
ربنا يخليك يا ولدي ويجبر بخاطرك .تربية الشيخ بدار صوح 
البدري 
طيب .أستأذن انا يا ورده 
ورده 
طيب ما تقعد تتغدي معانا يا بدري .
حاتم زمانه جاي 
البدري .
لاه .الجماعه منتظريني في البيت .
وانا اتأخرت عليهم 
ابقي سلميني علي الدكتور حاتم 
سلام يا ورده 
المشهد قنا المستشفي .
الغرفه اللي فيها دبور .
دبور نايم علي السرير وبدأ يتحرك والممرضه قاعده جمبه وتلاحظ حركته وتقوم تقف وتبص عليه .
ويبدأ دبور يفتح عنيه بالراحه 
وتجري الممرضه تبلغ الدكتور باللي حصل 
الممرضه تخبط علي مكتب الدكتور .
يا دكتور .يا دكتور 
الحاله فاقت .وتدخل
الدكتور قاعد علي المكتب 
ايييه فاق طيب .طيب 
ويقوم الدكتور وبسرعه يروح للغرفه اللي فيها دبور ويدخل عليه 
يمسك الدكتور ايد دبور ويطمن علي النبض ويكلم دبور 
الدكتور .
حمدالله علي سلامتك 
دبور بيحاول يبص بعنيه يمين وشمال ويحاول يعدل نفسه لكن مش قادر 
الدكتور .
انت ربنا نجاك بأعجوبه .
اللي حصل في جسمك ده لو حصل لأسد مش هيقوم تاني .
دبور بيحاول يتكلم .
بلسان تقيل .
اني فيييين اني فييين 
الدكتور ينادي علي الممرضه ويوصيها علي الادويه وتتابع حالته ويرجع لمكتبه 
يمسك الدكتور التليفون ويتصل علي الضابط عصام 
عصام 
الو .المستشفي ايوه يا دكتور .
بتقول اييييه 
يعني اقدر اجي واتكلم معاه 
طيب