ذئاب الجبل ( عودة البدري )

.
وعليكم السلام ورحمة الله .
.
علوان 
.
ايه يادبور .وينه البدري .
يعني راجع بروحك 

دبور 
.
جاي ورايا .انا خبرته وهو بس كان عيتعشى 
عيخلص وكل وتنو جاي ورايا .
. 
العربي يبص لعلوان .
ها ياعلوان .عتعمل ايه مع البدري .
.
علوان .

الصبر .الصبر ياعربي .
بس البدر ياجي والحديت عيكون قدام هواره كلاتها 
وتنادى نعمه من ورا الباب .
الشاي ياعلوان .
يرد علوان وينده دبور .
دبور .هات الشاي من بت عمك .
ويروح دبور ويجيب صينية الشاي ويوزعها علي الرجاله 
وفي اللحظه دى يدخل البدري بالبدله بتاعته 
البدري .يرفع ايده
سلامو عليكو 
يقف الكل وفي نفس واحد 
وعليكم السلام ورحمةالله
وهم بيبصو لبعض وبيبصو للبدرى وكل اتنين يتهامسو مع بعض قاصدين البدري بهمسهم ومستغربين علي لبسه البدله ومنهم اللي بيضرب كف بكف 
البدرى ياخد باله من اللي بيحصل وعلوان متابع بابتسامه الديب بتاعته وعاجبه اللي بيحصل 
البدري يقرب من علوان ويكلمه .
البدري 
انا كوت هجيلك ياعلوان من غير ما تشيعلي .
وكويس كمان انك جامع هوارة علشان كلاتهم يكونو ناطرينا وسامعين حديتنا .
علوان .
به به به شوف عاد 
بدل ما تقول لواد عمك حمدالله علي سلامتك داخل بزعابيبك علينا .
خييير .خير يابدري .
البدري 
خييير .هو اللي عيعرفك عيشوف خير

________________________________________

واصل ياعلوان 
علوان
.واه .ناطرين ناطرين قلة حياه ياهواره .
العربي يرد .
خش في الموضوع علطول يابدرى وكفاياك املاوعه خلونا نخلصو من الليله الغبره دي 
البدري يبص للعربي .
واااه ياعربي .حتي انت كمان .
انت اللي مكوتش متطيقش سيرة علوان .دلوقيت .ابقيت معاه 
علوان .
وماله علوان عاد .غير خلقاته ولا نسي اصله ولا 
قبل ما يكمل البدري يقاطعه .
سد خشمك يا علوان .
مش البدري ابو بدار اللي ينسي اصله ياعلوان 
دبور يتدخل 
دبور .
صلو عالنبي ياولاد العم .
صلو علي النبي امال 
يرد . البدري .والعربي
عليه افضل الصلاة والسلام
ويكتفي علوان بحركه من بوقه معترض عالكلام .
البدري يتابع 
ويبص لكباراة هواره .
ويقول .
يرضيكم ياهواره اللي عامل نفسه كبيركم كبير هواره 
وفي غيابنا يقطع حرمة بيت الشيخ بدار ويدخل داره .
ومش داره وبس .لاه
وكمان يدخل اوضة الشيخ بدار .
ويدعبس في خلقاته .ويسرق ورقاته وحجج أرضه 
الكل يبص علي علوان ويكلمو بعض بهمس .
وعلوان يتلعثم في الكلام ويحاول ينقذ نفسه 
علوان يرد وهو رافع راسه .
مش علوان ابو البكري اللي يسرق مال حد واصل 
البدري .
ولما ميعسرقشي تسمي اللي حوصل ده ايه يا علوان 
علوان .
انا الحق عليا يعني خفت علي مالكم وقلت اراعي ارضكم في غيابكم وعتكون امانه عندي 
هو ده جزاتي تطلعني حرامي 
البدري 
تراعي ارضي ومتشكرين ياعلوان .
بس تمد يدك علي الورقات ليه ياعلوان وتقطع حرمة بيت الشبخ بدار وفي غيابنا ومن غير اذننا كمان 
ويبص لكباراة هواره .
ما تردو 
ماتردو يا هواره 
ويبص للعربي 
ما ترد انت ياعربي 
علوان 
ان كان علي الورقات اهم عندي موجودين .انا اللي خفت عليهم يتنتورو اكده ولا اكده ولا الفيران تاكلهم 
العربي 
شيع يا علوان هاتلو الورقات 
وخلينا ندخلو في حديتنا اللي متجمعين عشانه .
البدري يبص لكباراة هوارة اللي محدش منهم اتكلم ولا رد وبيبص للعربي اللي علوان اخده في صفه 
وييجي دبور ويمسك البدري من يده ويقوله .تعالي يابدري قعمس اهنه اقعد .اقعد ياواد عمي .
يقعد البدرى ويقول 
حديت ايه ده اللي مجمع عليه هواره يا علوان 
علوان 
بص يابدري 
اللي طلب القعده دى واد عمك عربي .
البدري 
وخير العربي عاوز ايه تاني 
علوان 
شوف يا بدرى هواره كلها وعيت ليك انت وورده 
وكمان وعيت كيف انك خدعتهم وغسلت عاړك بالكدب 
البدري بقاطع 
متقولشي عار يا علوان 
بيت الشيخ بدار اشرف من الشرف
وهواره كلاتها خابره زين 
زى ما خابرة البدري .
خابره كمان ورده 
علوان 
هواره كلاتها خابره وانت كمان قبل منيهم ان العربي واد عمك كان رايد ورده وطلبها من الشيخ بدار الله يرحمه .
والشبخ بدار عزها عليه وراح اداها لواد من بره هواره 
وانت خابر زين ان ده مخالف لعاداتنا وتقاليدنا 
وخابر زين ان بناتنا معيجوزوش بره هواره .
وكمان خابر اللي يخالف اكده ايه حكمه وايه مصيرة 
البدري .يبص لكباراة هواره
ويقول 
الحكم والمصير اللي عتقول عليه ده يخالف شرع ربنا 
ان بت من بناتنا تتجوز بره هواره ده لا عيخالف شرع ربنا ولا هوحرام ولا هو عار من اصله 
التقاليد والعادات اللي ورثناها من جدودنا هي العدل .والرحمه .
هي الصدق والامانه 
التقاليد والعادات اللي تحرم شرع ربنا وتبدل اياته هي الحړام وهي العاړ 
عادات احنا بدعناها وصدقناها 
وحكمنا علي اللي يخالفها باللي باحكام مترضيش ربنا واصل 
كفاياكم ظلم لنفسيكم ولغيركم يا هواره كفاياكم 
علوان 
انت الظاهر يابدري من بعد ما غيرت خلقاتك ولبست خواجاتي ومخك بقي عيخربط ويقول كلام ملوش عازه 
البدري .
عتقول علي شرع ربنا ملوش