هواها يأسرني بقلم اسماء العمري الفصل الاول

أميرة سعادة طبعا يا قلب مامي أنا هلاقى احلي منك فين أتوحم عليه إنت وبابا 
أميرة هتسميه إيه يا ركان 
ركان أنا أسميه 
حاتم طبعا يا قلبي يلا نقي علي ذوقك لاحسن أنا ومامي من شهور معرفناش نرسى على إسم
ركان بيفكر بذاكرة الاطفال البريئة أنا أستاذي في المدرسة دايما بيناديني أركان وأنا إسمي راكان ممكن نسميه هو أركان ويبقي أنا راكان وهو أركان حلو يا مامي 
حاتم وأميرة بصوا لبعض بإبتسامة وفخر إن ابنهم بالعقلية دي
أخد حاتم الطفل وأذنله وكبرله في ودنه وجات الممرضة تاخده منهم عشان دكتور الاطفال يشوفه
وحاتم بصلهم بالمناسبة السعيدة دي أحب أقولكم إني جالي عقد عمل في شركة سيارات كبيرة في التجمع بمرتب خيالي
أميرة بسعادة بجد يا حاتم الف مبروك يا حبيبي 

أميرة كانت خجلانة وفرحانة متحمسة ومشاعر متلخبطة كتير بس حمدت ربنا إنه رزقها صبرها خير بزوج حنين وحباب ومكافح واولاد خير الذرية هتعوز آكتر من كدا إيه 
بقلم_أسماء_العمري 
بليل أخدت منى رنا بنت أختها علي أساس إنهم رايحين مشوار سوا واخدتها علي شقة في منطقة بسيطة نوعا ما
وقابلتها مرات أبو رنا وكانت شابة جميلة لكنها صارمة جدا وطبعا عارفاها إزيك يا مني عاملة إيه 
منى كويسة آنتي عاملة إيه 
عبير اتفضلي إزيك يا رنا
رنا كويسة
دخلوا وقعدوا وعبير تشربي إيه يا منى وإنتي يا رنا يا حبيبتي 
منى لا تعالي اقعدي إحنا مش جايين نضايف 
عبير خير
منى الولاد عاملين إيه كويسين 
عبير بصتلها ومش مرتاحلها مني أنا مش مرتاحة لزيارتك مبتجيش إلا لما يكون وراكي حاجة لخصي خير 
منى روحي يا رنا شوفي اخواتك
بس منى صعبت عليها نفسها بس مفيش في أيديها حاجة
عبير عايزة إيه يا منى 
منى رنا هتعيش معاكم
عبير پصدمة ودا ليه إن شاء الله آنتي مهاجرة ولا إيه طول عمرك رافضة إنها تيجي ولا إن أبوها ياخدها إيه إللي جد 
منى بحزن أيوة أنا مسافرة أنا و صالح جالنا شغل شريف
عبير بسخرية شريف ودا من أمتي 
منى عبير! إلزمي حدودك البنت لسه صغيرة