رواية عشق القاسې الفصل الثامن بقلم اسماء العمري ( جديدة )

الفصل الثامن 
بسم الله والحمد لله والصلاة والسلام على رسول الله صلي الله عليه وسلم
رجع البيت لقي منة قاعدة بتتفرج علي التليفزيون أو شبه بتتفرج لإنها سرحانة ودي حتى ما أخدتش بالها من دخوله
كان مزاجه هادي عكس الايام قصده السنين إللي فاتت فقرب منها وقعد جمبها وكل ما يحاول يكلمها إلى إنها مش معاه مش سامعاه أصلا
زعق وهي إتخضت بابا 
بصلها مالك يا منة قاعدة كدا ليه سرحانة في إيه 
إستغربت منة طريقته عمره ما سأل علي حد ولا كان بيتعامل معاهم إلا في أضيق الحدود حست بتغيير وفجأة قررت تثير عاطفته سلامتك يا بابا أنا كويسة

فهم إن هي بتحاول تخبي عنه لكنه مش عارف إنها بتستدرجه وبتستدرج عواطفه إللي حست بتغيير منه وهو مش واخد باله من طريقتها
قرب منها وخدها في حضنه ودي كانت أول صدمة لمنة عمره ما عملها ولا حتى مع زينب ولا كان عاطفي مع حد شكله أتغير بجد كان دايما عامل زي إللي مجبور علي وجودهم لإنه طبعا كان نفسه يخلف الولد مش بنتين
رغم صډمتها بس عجبها التغيير وحست إنها لو لعبت شوية هيبقي في صالحها
إنفجرت في العياط ودا خلى باباها يستغرب طريقتها وبيفكر هو ليه مقدرش يفهم بناته كان زمان زينب معاهم ويمكن ما كانتش علاقة الاختين توصل لكدا حس إنه أكبر غلطان مش هما إللي غلطانين لإنه دايما موجود في حياتهم بالإسم
طبطب عليها مالك يا منة 
منة أصل دي آول مرة حضرتك تحضني فيها في حياتي
فهم وبصلها بحزن يمكن لو كنت كدا من زمان مكنش دا بقي الحال عارف إني أكبر غلطان في قصتك آنتي واختك وكنت دايما قاسې عليكم وكنت معترض إن معنديش ولد وموجود بنتين مع إني نفسي في الولد بس ربنا هو إللي بيرزق الولاد والبنات
بصلها تآني صحيح أمك فين 
منة راحت تقضي مصلحة وراجعه
أول مرة يسأل عليها دايما بيتجنبها وبيختلق مشاكل معاها وقرر إنه يعاقبها عشان مجبتلوش ولد فقرر إنه يتجوز شكله كان هيغلط غلطة عمره
فهمي بنتك فين 
هنا ما إستغربتش سؤاله عن فرحه بنتها لإنه بيحبها ودايما يسأل عليها ودي الحاجة الوحيدة إللي يعرفها عنهم لكن سابهم ويقسي عليهم وملوش حسنة واحدة في حياتهم ليه
منة فاهمة هو بيفكر في إيه فقررت تلعب بمشاعره إللي صحيت دي ومتأكدة إنه آكتر واحد هيساعدها
منة بحزن مجدي أخد فرحة لمامته وأهله انت عارف مش بروح هناك
كملت بخبث أو بمعنى أصح الحاجز أللى زرعته زينب بيني أنا ومجدي وبيني وبين عيلته خلاهم لحد دلوقتي رغم السنين دي كلها مش قادرين يقبلوني في حياتهم وكإنى مش موجودة زينب هي السبب
ذكر إسم زينب كان له وقع خاص علي أبوها إللي فكرت إنه هيساعدها تخلص من زينب ونسيت إن مهما كانت الغشاوة مستحيل اب يفكر يتخلص من بنته أو يإذيها رغم إنه سبب لزينب عقدة من الحياة بتخليها مش قادرة ترتبط لحد دلوقتي وخصوصا بعد مجدي وإللي حصل رغم إنه ميعرفش فعلا هي عايشة حياتها إزاي واتجوزت واتخطت أحزانها فعلا ولا لا هو مش عارف شكل حياتها إيه 
كان مانع أي حد في البيت يجيب سيرتها ونساها السنين إللي فاتت دي بس هل هو نساها بجد زي ما كان دايما بيقول للي حواليه لدرجة خلاهم يصدقوه ويصدقوا إن اب يعمل كدا
فكرت سرحانه ده إنها كدا بدأ تإثيرها يجيب مفعوله شوفت بقي اد إيه هي اذتني شوف بقالي اد إيه متجوزة مجدي وخلفت فرحة رغم إنه كان ممانع أصلا بس ومع وجود فرحة بنتك زينب لسة في حياتنا
كلمة بنتك أثرت فيه جامد وصحت حاجات كتير جواها مۏتها بإيديه من سنين السنين
لقي نفسه بيدافع عنها آنتي إللي في حياتها مش هي إللي في حياتك سبتلك مجدي والبلد بقالها سنين طويلة فوق ال ٧ سنين شوفتي إنه عمر كبير 
اټصدمت من رده وهي إللي فكرت إنه اتأثر هيساعدها ونست إنه اب لزينب هي كمان
دي كانت تآني مفاجأة لمنة بعد المفاجأة الاولي إنه يدافع عن زينب ادامها وهو عارف اد إيه پتكره سيرتها وإللي يحبها دا كان مش بيطيق حد يجيب