رواية تزوجت ملتزمة كاملة

#تزوجت_ملتزمه (6)
"الوقت كان بليلل ويوسف قاعد بيقرأ ف كتب أهل العلم ف المكتبه الي هو عاملها ف الشقه عنده "
"أسماء كانت قاعده بتقلب ف موبايلها ف الأوضه التانيه قفلت الموبايل وقعدت تفكر ف يوسف وكلامه وطريقته اللينه ف التعامل
استغربت هو ازاي الناس الملتزمه دي حلوه كدا والأعلام بيورلنا صوره تانيه ليهم"
يوسف خلص قراءه وقفل الكتاب وبيفكر ف أسماء حس انها قاعده مخن0وقه دلوقتي فكر يروح يخبط عليها
اسماء
اتخضت اول لما نده: نعم
فتح الباب ودخل
_بتعملي اي
_رمت الموبايل ورا ضهرها ولا حاجه ولا حاجه

يوسف استغرب رد فعلها
_هو مش انتي كنتي ماسكه الموبايل بردو رمتيه كدا ليه
اسماء مرتبكه: ها لا مفيش
"يوسف حس أن في حاجه غريبه راح مسك موبايلها وفتحه لقاها صفحة الفيس بتاعتها "
_انتي كنتي فاتحه فيس
اسماء بخوف: هحذفه وربنا هحذفه
يوسف مستغرب: تحذفيه ليه
اسماء: مش انتو كل حاجه عندكو حرام والبنت مينفعش يبقى عندها فيس وواتس وكدا
يوسف بابتسامه: احنا مين ومين مالي دماغك بالأفكار دي ماتفتحي الي انتي عايزاه طالما مبتعمليش حاجه حرام
اسماء مستغربه: اي دا يعني عادي
يوسف: ايوا عادي وبلاش كلمة انتو دي تاني بتحسسيني اني جماعه ف بعضي
اسماء بفرح: حاضر مش هقول كدا تاني
_بقولك اي انتي متخنقتيش من قعدة البيت
اسماء حطت وشهاف الأرض: أنا هطق وربنا
يوسف بابتسامه: طب يلا نخرج
اسماء بدهشه: انت هتخرجني عادي كدا
يوسف بضحك: لا اوعي تقولي انك مفكره أن الخروج حرام كمان
اسماء ابتسمت: دانا كنت مفكره حاجات كتير عن الملتزمين وأنهم معقدين
يوسف كشر بطريقه تضحك: طب يلا بقى علشان المعقد عايز يخرجك هيا ياأم حنظله
اسماء ضحكت ع شكله
سرح ف ضحكتها واتبسط أنها بدأت تتغير معاه
"واقفه بتلبس علشان تخرج بعد مالفة الطرحه فكتها وطلعت الخمار لبسته "
" ودي كانت اول مره تطلع بيه "
يوسف شافها ابتسم لأنها جميله جدا بيه
اسماء اتكسفت: ها نخرج
يوسف: يلا
نزله يتمشو شاف بتاع البلالين معدي وأسماء بتبص عليه بفرحه
يوسف وقفو وجابلها 4بالونات

يوسف مادد ايده ليها بس اسماء واقفه متنحه
يوسف بابتسامه: اي مبتحبهمش ارجعهم
اسماء: لا لا دول حلوين خالص

يوسف ضحك وقالها افتحي ايدك واداها أول بلونه وقالها دي فاطمه ودي عائشه ودا حمزه ودا عمر
اسماء خدتهم وضحكت هما مين دول
دول ولادي أقصدي ولادنا
اسماء اتكسفت وحطت وشها ف الأرض
يوسف: تاكلي بوظه
اسماء متنحه: ها هو انتو بتاكلو بوظه كمان

يوسف باستغراب: تعرفي يااسماء مشكلتك اي مشكلتك إن الي وصلك الالتزام وصله غلط الالتزام حاجه جميله اوي تخيلي تعيشي حياتك بفرح وسعاده وف نفس الوقت ف رضا ربنا الالتزام يعني الابتعاد عن الحرام مش عن الحياه
اسماء فكرتها بدأت تتغير عن الألتزام وطول الطريق عماله تبص ليوسف ومبتسمه وشافته انسان جميل اوي ومرح وروحه حلوه مش معقد ولا بيضرب ولا بخوف زي ماهي كانت مفكره
فجأه وهما ماشين العشاء أذنت
يوسف راح ع اقرب مسجد وقالها يلا ربنا بينده
اسماء باستغراب:بينده ازاي
_الأذان داه نداء ربنا لعباده يلا علشان نصلي ونروح نقف بين ايد ربنا
_تصدق اول مره اشوف الصلاه بالطريقه دي دايما بشوفها حاجه روتنيه بنعملها وخلاص
يوسف: لو عايزين نحب الصلاه نحط ف دماغنا أن احنا رايحين نقف بين ايد ربنا ونستشعر داه ونحسه بقلبنا تعرفي يااسماء أنا بأشفق على الملحد اوي تخيلي  لما الدنيا بتضيق بيه بيروح لمين يحكيله ويدعيله ويطمن قلبه الحمدلله فعلا ع نعة الإسلام
ابتسمت وقالتله عندك حق بس انت هتصلي ف المسجد أنا هصلي فين
قالها ف المسجد بردو هو انتي متعرفيش أن فيه مصلى للسيدات
اسماء: لا أعرف طبعا بس عمري مادخلته
يوسف بابتسامه: اوعدك لو صليتي مره ف المسجد هتقولي عايزه اصلي دايما فيه دا بيت ربنا وكله راحه وسكينه
اسماء فعلا دخلت المسجد علشان تصلي ولقت نفسها بتبكي جامد وهي بتصلي وكأن ربنا أراد بدموع البكاء أن يطهر قلبها ويشيل الغمامه السوده من ع عنيها بكت بحرقه ع كل يوم عدى وهي بعيده عن ربنا
خلصو صلاه وخرجو من المسجد كملو مشي مع بعض وأسماء كانت فرحانه اوي أن ربنا بعتلها يوسف كطوق نجاه
يوسف كمان كان مبسوط وحس ان ربنا استجاب لدعائه لما بكى لربنا ف المسجد وقاله يارب أنا عايزها اصلحهالي يارب
يتبع.........

#تزوجت_ملتزمه(7)
"نهار يوم جديد"
"يوسف صحي يصلي الفجر كالعاده وصحى اسماء تصلي هي كمان"
رجع بعد الصلاه لقى اسماء قاعده ع سجادة الصلاه فرح جدا
وهي أول لما شافته قالتله
يوسف انا عايزه اقرب من ربنا انا حبيت القرب من ربنا اوي