رواية تزوجت ملتزمة كاملة

"نظرات الخوف باينه ف عيونها ويوسف حس كدا "
يوسف بغضب:انتي متجوازني غص0ب صح

اسماء افتكرت جوز أمها وردت وهي بتعيط: لا لا أنا موافقه وكل الي انت عايزه هعمله
يوسف بغضب: كفايه كدب بقى الخوف ظاهر ف عنيكي
اسماء: لا أنا كويسه وبتمسح دموعها بإيدها
يوسف: قولت بلاش كدب
اسماء بعياط: جوز أمي لو عرف هيد0بحني
يوسف باندهاش: يعني جوز والدتك الي غ0صب عليكي
اسماء قربت عليه ومسكت ايده: ابوس ايدك ماتقوله حاجه دا لو عرف هيق0تلني
شد ايده وهو مصدوم
_وانتي قولتي موافقه ليه
اسماء ورته دراعها الي متعلم من ضرب الحزام
:لو موافقتش كان حالف يرميني ف الشارع

يوسف كان حاسس بصدم#مه وسابها بسرعه وخرج ع المسجد
صلى الفجر ومكنش عارف صلى ازاي وقعد ف المسجد لحد ماكل الي ف المسجد خرجوا
سجد لربنا وفضل يبكي ويقوله
يارب أنا كان نفسي ف زوجه صالحه نعين بعضنا ع الطاعه
الابتلاء الي ابتليتني بيه شديد جدا
يارب قويني ومتسبنيش أنا راضي بكل حاجه والله بس لو ليا نصيب فيها اصلحهالي علشان نقدر نكمل مع بعض
اول لما بكى وهو ساجد حس براحه عجيبه وكأن ربنا اثلج ع صدره
رجع الشقه كان النهار طلع لقا اسماء لسه قاعده ع الأرض بتعيط "وكانت صعبانه عليه جدا
_صليتي الفجر يا اسماء
ردت بخوف: لا
_طب ودا ينفع نأخر الصلاه لحد ما النهار يطلع كدا قومي صلي الصبح يلا
قالتله: حاضر
"سابها ودخل ع الأوضه التانيه ونام
"اسماء من الأرهاق والتعب صلت واترمت ع السرير نامت "
** بقلم ملك محمد****
صحيت متأخر بتبص ف الساعه لقت الوقت بقى الضهر
شمت ريحة أكل حلوه بتحط أيدها ع بطنها عشان جعانه
هاكل ازاي انا دلوقتي أنا جعلته اوي
خرجت تتسحب بالراحه ومشيت ورا الريحه دخلت ع المطبخ لقت في أكل ع الن0ار وكأن حد بيطبخ
فجأه لقت حد بيحط ايده ع كتفها اتخضت وبصت وراها لقت يوسف
_شاطر ف الاكل مش كدا
"اسماء بخوف": ها اه وراحت داخله ع أوضتها
"وهي داخله يوسف نده عليها "
اسماء: نعم

_ صلي الضهر الأول علشان أذن من بدري
قالتله: حاضر
خلصت صلاه بتبص وراها لقت يوسف غرف الأكل وحطه ع السفره
شالة سجادة الصلاه وداخله ع أوضتها قالها
_تعالي كلي
_ مش عايزه شبعانه
"يوسف بضيق": طيب براحتك
وهي رايحه ع الأوضه رجعتله تاني وقالتله بخوف
هو انت هتقول لجوز امي انه جوزني غصب وانا مكنتش عايزاك
يوسف بياكل: أنا نسيت الي انتي قولتيه اساسا
اسماء بفرح: متشكره جدا وبتبلع ريقها علشان جعانه وسابته ودخلت أوضتها
يوسف عارف انها جعانه وحس انها مش عايزه تاكل معاه جاب صنيه  صغيره وغرفلها أكل وخبط عليها ودخل
اسماء قامت. وقفت ع طول

يوسف ضحك وحط الصنيه جمبها: ع فكره انا مدرس بس ف المدرسه مش هنا
وسابها تاكل براحتها وخرج
يتبع.........

  #تزوجت_بملتزمه (5)
"يوسف عرف أن أسماء متجوزاه غصب وقرر أنه يحاول ع أد مايقدر يخلي الحياه تستمر لأنه عرف إنه لو طلقها زوج والدتها هيرميها ف الشارع دا غير إنه كان بيض0ربها "
"يوسف حط الأكل لأسماء ف الأوضه وخرج"
اسماء مستغربه وبتبص للأكل وبتكلم ف نفسها
_هو ليه بيعاملني بلطف كدا مش مفروض إن المشايخ دول بيخوفو
يمكن يكون بيدبرلي مصيبه وأنا معرفش
بطنها بتصوصو من الجوع خبطت ع دماغها وقالت

كلي بس دلوقتي وكل حاجه هتظهر بعدين
"يوسف بره قاعد بيراجع الحفظ بتاعه وصوته جميل جدا ف القرآن "
اسماء خلصت أكل وطالعه بالراحه علشان تودي الصينيه المطبخ
لمحها يوسف
ابتسم ع شكلها وهي بتتسحب وكمل قراءه
فجأه الباب بيخبط
يوسف قفل المصحف وقام يفتح الباب
لقا زوج والدة أسماء ووالدتها
اسماء أول لما سمعت صوت زوج والدتها قلبها كان هيت0خلع من مكانه وكانت خايفه لحسن يوسف  يقوله أنه عرف أن أسماء متجوزاه غصب
"يوسف رحب بيهم ودخلو"