رواية من الجاني ؟ كاملة ومشوقة

وقلي البيت بيتك دخلت وحطيت الكمية المطلوبة في الكيس بعد ما عملت لنفسي فنجان 
وكنت فاكر ان محدش هيكشفني لكن الصيدلي قلي ان تشريح الچثة هيثبت منه السم كان في القهوة الخام ولا السايلة 
وعشان كده روحت العمارة . وطلبت من مدام نجوي ادخل الشقة من خلال المنور عشان في حاجه مهمة في الشقة لازم اجيبها وده حصل بسهولة عشان هي عمرها ما شكت فيا 
لكن مكنتش اعرف ان الحظ هيلعب لعبته وهتوصلوا في نفس التوقيت 

ده كان اعتراف المتهم طه اعترف پقتل اخوه كمال واتحكم عليه بالاعډام 
ده كان حل القضية الاولي عارف انه محدش كان يتوقع ده ولكن ده اللي حصل
الفصل الثاني
النهاردة الحلقة التانيه من سلسلة قضايا من الجاني 
اتمني منكم الدعم عشان نستمر في السلسلة 

كنت نايم وما صدقت ارتحت من أرهاق الشغل لكن هرتاح أزاي طبيعية شغلي مفهاش كده 
تليفوني رن وصحاني اتعدلت وانا بقول خير ان شاء الله 
كان ظابط لسه منقول عندنا من كام شهر اسمه اكرم 
اتعدلت وانا بقول عايز اي ده 
فتحت الخط ورديت 
_ ألو ايوة يا أكرم 
_ آدم باشا العقيد عايز حضرتك في مكتبه حالا في چريمة قتل حصلت وعاوزك ضروري 
_ حاضر هلبس وجاي 

يا فتاح يا عليم علي الصبح اصحي علي چريمة قتل هو في كده في الدنيا 
قومت من السرير اخدت دش سريع ولبست ونزلت ركبت عربيتي واتحركت علي المديرية وصلت وطلعت علي طول علي مكتب العقيد سامي خبطت ودخلت 
_ صباح الخير يا فندم 
_ صباح النور يا آدم عاوزك تركز في القضية دي عشان هي قضية مش ساهلة 
_ انا لحد دلوقتي معرفش اي اللي حصل! 
_ فنانة اعتزلت من زمان لقيوها مېتة في شقتها علي الكرسي لكن الموضوع شكله فيه شبهه جنائية 
عشان الفنانة دي كانت بتتلقي رسايل ټهديد من مجهول من فترة قريبة وبالرغم من ده اخوها نفي كلامها وقال ان اخته بيجلها هلاوس بسبب مهدأ بتاخده 
ومفيش حد بيبعت رسايل 
_ اممم يعني لو الرسايل دي كانت موجوده يبقي كده دي چريمة قتل 
_ وحتي لو مش موجوده الطب الشرعي والمعمل
الجنائي هناك هتروح وتشوف وصلوا لايه بالظبط 
_ تمام يا فندم هتحرك حالا 

اتحركت علي موقع الحاډث عمارة راقية في حي راقي جدا العمارة ليها شركة آمن مش مجرد حارس عمارة 
طلعت الشقة اللي كانت في الدور التاني 
شقة المجني عليها وخليني اختار ليها اسم مستعار واقول نورهان 
باب الشقه مفتوح والطب الشرعي وخبراء من المعمل الجنائي جوه لفحص الأدلة ورفع البصمات 
دخلت الشقة شقة كبيرة بصيت على باب الشقة مكنش فيه كسر ولا اي حاجة الباب سليم 
وده يوضح ان المچرم مكسرش الكلون عشان يدخل يعني معاه مفتاح وكده الشك في ناس جوه مش بره 
ده طبعا مجرد انطباع 
لما دخلت لقيت چثة الفنانة علي كرسي في الصالون ولقيت الظابط أكرم واقف مع بنت في العشرينات كده وكانت بټعيط قربت منهم 
أتكلم أكرم وقال 
_ حمد الله على السلامة يا فندم دي جميلة كان بتخدم الفنانة قبل ما ټموت 
_ اممم اهلا يا جميلة عاوزك تهدي كده عشان نعرف مين اللي قتل الفنانة ونجيب حقها 
لقيت جميلة برقت وقلتلي 
_ قتل! هي ممتتش مۏتة طبيعية 
_ حتي الان مش عارفين بس الارجح انها اټقتلت 

في الوقت ده كان الطب الشرعي والمعمل الجنائي خلصوا والكلام المبدئي توجد شبهه جنائية في الموضوع وقالوا هنوفيكم بالتقرير والادلة في اقرب وقت 

وبدأت التحقيق في القضية 
المشتبه فيهم ٣ عشان هما اللي معاهم نسخة من مفتاح الشقة 
ومش بس كده عشان التحريات اللي عملنها 
الاول هو شقيق المجني عليها مصطفى 
مصطفى كان دايما في مشاكل مع اخته نورهان اللي اكبر منه ب٥ سنين والمشاكل سببها الفلوس 
مصطفى مضيع كل فلوسه علي السهرات والشرب وكان بيطلب دايما من اخته فلوس وكانت بترفض 
وفي اخر مرة زارها قالها انه هيرفع عليها قضية حجر 
التاني هو عبد الباسط حارس الامن بتاع