رواية من الجاني ؟ كاملة ومشوقة

النهاردة الحلقة الاولى من سلسلة قضايا من الجاني ؟
أتمني منكم الدعم عشان ده هيساعدني أكمل وياريت تعملوا لايك وكومنت بعد ماتخلصوا الرواية
انا المقدم آدم الصياد 
كنت قاعد في مكتبي بشرب فنجان القهوة الجميل وبتابع شغلي الساعة كانت ١ بعد منتصف الليل واحنا في شهر فبراير يعني الجو برد جدا والمطرة مبهدلة الدنيا بره 
وفي وسط الهدوء ده وصلنا بلاغ عن چريمة قتل في عمارة في وسط البلد أخدت القوة واتحركت علي موقع الحاډث 
عمارة كبيرة من ٦ أدوار كل دور في شقتين 
طلعت الشقة اللي فيها الچريمة كانت شقة رقم ٤ 

كان المجني عليه في ارضية الصالة ومتواجد في الشقة ٣ أشخاص مراته واخوه وابن عمه والتلاتة وصلوا بعد سماع خبر الۏفاة ده علي حسب كلام عطا بواب العمارة 

المجني عليه أسمه كمال شاب في التلاتين من عمره ومراته اسمها ملك واخوه طه وابن عمه صابر 
التشخيص المبدئي للطب الشرعي المجني عليه ماټ مسمۏم بعقار تم وضعه في مشروب 
استنيت التحريات والتقرير النهائي من الطب الشرعي 
واللي اثبت وجود سم بطئ التفاعل داخل الجسم وان المجني عليه بيتعاطي العقار ده من اسبوع في القهوة 
وكان لازم وقتها أبدأ التحقيق واسمع اقوال الشهود اللي بالمناسبة كانوا اتنين عطا بواب العمارة والست نجوي جارته 

وبدأت التحقيق مع مراته ملك 
_ مدام ملك البقاء لله وشدي حيلك أنا عاوز حضرتك تهدي كده عشان اعرف ابدأ التحقيق 
_ تحقيق تحقيق اي هو أنا متهمة 
_ لو جاوبتي علي اسألتي بصراحة مش هتبقي متهمة 
_ اتفضل اسأل 
_ كنتي فين وقت حدوث الچريمة او وقت مۏت جوزك 
_ كنت عند والدتي بعلمه وقولتله اني ساعة وراجعة 
_ اي طبيعية العلاقة بينك وبين جوزك يعني كانت في مشاكل ولا الدنيا كانت تمام 
_ مكنش في مشاكل احنا كنا متفاهمين 
_ بس التحريات مش بتقول كده جوزك كان عنده مشكلة في الانجاب وكان بينكم دايما مشاكل وطلبتي منه الطلاق حصل ولا لا 
_ حصل بس ده مش سبب يخليني اخلص منه 
_ طيب انكرتي ليه 
_ مكنتش حابة اتكلم في موضوع محرج بالشكل ده 
_ اممم تمام تقدري تتفضلي 

الشاهدة تتفضل 
_ مدام نجوي اهلا بحضرتك معلش هتقل عليكي في كام سؤال كده هو المرحوم ومراته كانت علاقتهم عاملة ازاي 
_ علاقة سيئة جدا مشاكل كتير وخناق وټهديد 
_ ټهديد! من مين 
_ من المرحوم عشان هي كانت بتعايره بالمشكلة اللي عنده 
_ اممم تمام واي كمان 
_ وصلت في مرة انه ضربها وفرج عليها الناس كلها وهي قلتله انا هعرف اخد حقي منك بس دي كل حاجه اعرفها 

وجيه دور المتهم التاني شقيق المجني عليه طه 
_ اهلا يا طه هتجاوب بس علي كام سؤال كده وتتكل علي الله 
_ تمام اتفضل 
_ علاقتك بأخوك كانت عاملة ازاي 
_ هكون صريح معاك العلاقة كانت متوترة بسبب موضوع الميراث خصوصا انه كان عايز ياخد حقي وكان رافض يدهوني 
بس انا قولت وسوسة شيطان وهتروح لحالها 
_ لكن حسب التحريات انت قولت لاخوك لو مرجعتليش حقي انا ھقتلك 
_ لا محصلش انا مقولتش كده 
_ متأكد 
_ اه طبعا 
_ طيب كنت فين وقت الۏفاة 
_ كنت في كافية مع مجموعة من اصحابي 
_ تمام تقدر تتفضل 

الشاهد يتفضل 
_ اهلا يا عم عطا احكي اللي عندك بخصوص طه 
_ الاستاذ طه شوه سمعة اخوه في المنطقة وقال عليه حرامي وهدده پالقتل لو مرجعلهوش فلوسه والكلام كان قدامي 
_ هدده قاله اي 
_ قاله لو مرحعتليش حقي انا مستعد اقټلك معنديش مشكله 
_ هل لديك اقوال اخري 
_ لا تمام ياباشا 

وجيه الدور علي المتهم التالت ابن عم المجني عليه صابر 
_ اهلا يا صابر التحريات اللي قدامي بتقول انك مصېبة يا صابر 
_ ليه بس يا باشا احنا في حالنا 
_ اي طبيعية العلاقة بينك وبين ابن عمك 
_ علاقة زي الفل مفيش اي حاجة 
_ يا جدع انت بتكدب كده