الدكتور والراقصة بقلم هويدا زغلول

حاجه هتتصلح... هات يابني افخم ازازة شمبانيا هنا المستر زين... اهدي كدة وروق...
زين
انا عره وكمان تقولي اني خروف
حسام
معلش يا ابو نواف عزه بتحب تهزر تعالي عزه عايزك.
عزة
اسمع انا الشغل معاك هنا ما يلزمنيش انا هرجع الكباريه اللي كنت فيه الاول ولما تعرف قيمتي تبقى تيجي ترجعني اعرف انا استعراضيه يا استاذ مش سيكي ميكي.
حسام
حصل ايه بس فهميني.
عزة
الخروف عايز يتجوزني شهر بمليون جنيه.
حسام
والله معاك يحق يا عزة يا بنتي الاسعار ولعت مليون جنيه هيعملوا ايه في الزمن ده
على العموم انا هكلمه وازود المبلغ شويه.
عزة
زاد عليك كرشك وعملولك الزايدة يا بعيد يزودوا مين يالا... انا فنانه يا استاذ مابيبعش نفسي عشان خاطر الفلوس لو انت محتاج المليون جنيه روح اتجوزوا انت.

حسام
انا راجل يا عزه.
عزة
ده في البطاقه بس لكن انت كلب ممكن تعمل اي حاجه عشان الفلوس.
حسام
الله يسامحك يا عزه انا هحترم المكان اللي احنا واقفين فيه ده ومش هرد عليكي
عزة
لا انت هفأ ومش هتعرف ترد عليا هو على فكره انت لو مزنوق في قرشين انا اعرف دكتور كويس بتاع تجميل ممكن أكلمه يعملك عمليه وتقلب ست وتتجوزه شهر واثنين وثلاثه وسنه كمان... بس انت فكر ولو وافقت ابقى كلمني.
زين
والله كنت اسوي ليها سيارة باسمها
رفيق بضحكة
خلاص بقى يا حسام اعمل عمليه تجميل ده بقى فيها سياره.... ما ينفعش حسام يا مستر زين اهو بالمره يغير جو.
زين
ايش هذا اللي يقوله المچنون اخوك.
حسام
حقك عليا انا ابو نواف اهدى كده وانا هجيبلك بنت من اللي قلبك يحبهم.
زين
انا ما ابغى غير معزتي وين معزتي راحت.
حسام
والله ما في حاجه هتضيعها منك غير كلمه معزتي...... انا هروح اطيب خاطرها بكلمتين يمكن توافق....
في غرفه الملابس
حسام
يا عزة يا بنتي الفرصه بتيجي مره واحده 
انا لولا ما بعتبرك زي بنتي بنصحك.
عزة
تصدق الدمعة هتفر من عيني مصلحتي انا. ولا المصلحه الكبيره يا راجل يا ناقص.
حسام
حتى يا ستي لو مصلحتي الكباريه ما هو برده الكباريه هو اللي مشغلك وهو اللي مطلعك فوق
عزة
امممم طالما بتعتبريني بنتك وخاېف على مصلحتي كده ايه رايك في اسماء بنتك اهي برده من لحمك ودمك وهي اولى بالمصلحه.
حسام بتوتر
ايوا يعني بس
عزة
بس اي يا مستر حسام بنتك انت خط احمر وانا خط فودافون.... انا عارفه ان الكباريهات ما فيهاش خطوط ولا دواير عرض بس شوفلك واحده تانيه غيري انا يلا بقى طرقنا عشان عايز اغير هدومي قبل ما امشي.
حسام
تمش تروحي فين لسه باقي تلات ساعات لغايه ما تخلصي شغلك
عزة
انا مصدعه شويه واعتبرها اصابه عمل وممكن تطول كمان كم يوم.
حسام
عزه انتي في كباريه يا ماما مش في تامينات ولا في مدرسه.
عزة
اي رأيك بقى ان احنا بنتعب اكر من المدرسين ده احنا بنرقص في عز الشتاء بهدوم عريانه ومقطعه
حسام
اول مره تقولي حاجه صح