مريم والصعيدي كاملة
نفسي اخلص عليها بس كل حاجه بصبر
ريم
ما انا قولتلك ياماما جوزيها لشخص كويس ونخلص تروحي موفقه علي شمام ونسونجي ما كده كده هتطلق وترجعلنا
امها
لا يختي كنت هتعيش عيشة العبيد احسن ما ترجع للمرمطه هنا تاني وكنت هبقا شمتانه فيها اوي وانا شيفاها مزلوله ولو اطلقت كانت هتبقا اسمها مطلقه وعينها مكسوره وابوك هيصدق انها معرفتش تحافظ علي بيتها لانها مدلعه وما هيصدق يرميها تاني
بالعكس يا ماما انتي مبتشوفيش كل ما بيكلمك مهما تجيبي في سيرتها وتقولي عملت يوصيكي عليها ازاي ويقولك دي مهما كان بنتي
الام پحقد
وحياتك يا غاليه لخليه يرميها بايده لاي كلب
ريم
مش لما نعرف الاول هي راحت فين..
الام
هنعرف انا كلمت اللي كانت ا
نتجوزه هينزل اعلان علي الفيس ومعاه صورتها.. واي واحد يتعرف عليها يتواصل معانا..
المهم بس ما تكونش عملت في نفسها حاجه عشان لو ده حصل ابوها مش هيسيبنا في حالنا
الام
كلها كم يوم ونعرف راسنا من رجلينا....
...
في مدينه اسوان
شمس
بقولك يا مريم ايه رايك لو تحضري معانا حفله محمد منير
مريم
الكينج ده انا من عشاقه...
البدري
ومن غير ما تقولي انا حجزتلك تذكره معانا انا وشمس.... وبالمره عشان لما اسافر تفتكرولي حاجة حلوة
ان شاء الله تروح وترجع بالسلامه هو انت هتسافر امتة...
البدري
تقريبا خلصت كل حاجه مش ناقص غير التاشيره وامشي
شمس
طيب اي احنا هنقضيها كلام مش نجهز بقا عشان نروح الحفله...
البدري
انا جاهز من بدري المهم انتوا تجهزوا
شمس
انا هاخد مريم ونروح نلبس ساعه بالظبط ونكون جاهزين... ...بعد ساعه بالضبط بتنزل مريم وشمس.. ومريم كانت في غايه الجمال..
ملك يا بدري في ايه بدري بدري انت سامعني
بدر
ها اه سامعك سامعك.... هي مش دي مريم بردو
مريم بخجل
أحم مش يلا بينا..
شمس
انا برده بقول كده يلا بينا.... وياريت يا بدري ما تركزش كتير عشان البنت خدت بالها
بدري
انت ما خدتش بالك من جمالها ورقتها... تحسي انها ملاك ماشيه مع الارض
شمس
انت وقعت ولا الهوا اللي رماك...... بعد ما بتخلص الحفله..
ايه رايكم لو نتمشى شويه على الكورنيش
مريم
انا بصراحه من زمان نفسي اجي أسوان عشان خاطر الكورنيش..
بدري
اسوان بلد السحر والجمال كفايه الكورنيش بتاعها وقاعده العصاري على النيل وضحكه على الخد طرحه.. ورده مع نور الشمس يمين وصوت صبيه وصبي بضحكتهم يشفى العليل...
مريم
الله يا بدري انت بتقول شعر ولا اي
اه بكتب شعر بس اللي قلت ده اسمه ارتجال حاجه كده بتيجي في وقتها مش بكون محضرلها..
شمس
طيب انا هروح اشتري حاجه وانتم مع نفسكم بقى
بدري ل شمس
طلعت بتفهمي وعندك زوق
شمس
عد الجمايل بس وانت ماشي جيبلي شيكولاته معاك
بدري
عمرك ما تعملي حاجه لوجه الله ابدا.. بتمشي شمس وتسيبهم لوحدهم يتمشوا على الكورنيش
مريم
ليه مفكرتش تبني حياتك بدل ما تسافر وتتغرب
البدري
والله يا مريم ما فرقتش كتير هنا غربه وهناك برده غربه فيبقى خليها غربة علي حق يمكن احقق اللي ما عرفتش احققه هنا
مريم بحزن
يعني ايه خلاص السفر ده قرار النهائي
البدري
لغايه دلوقتي يا مريم قرار نهائي..
مريم
ممكن ترجعني البيت انا تعبت من المشي
البدري باستغراب
لحقت تتعبي ده إحنا ما لناش خمس دقائق
مريم
معلش انا مش عايز امشي تاني عايز ارجع البيت.. لو حابب تفضل خليك دي حاجة ترجعلك
البدري
عايز افضل بس تكون انت موجوده....
مريم
انت ليه مصمم اني امشي معاك ... مع اني سمعت من شمس انك بتحب تتمشى لوحدك خصوصا على الكورنيش اشمعنا دلوقتي حابب تمشي معايا..
البدري
وبرده مريم ما قالتلكيش ان انا بقالي حوالي سنه ما خرجتش من البيت ولا اتمشيت .... هو النهارده كان اكتر يوم حبيت اتمشي فيه مع حد بس تمام يا مريم لو عايزه تروحي البيت تعالي انا هرجعك
في القاهره بيكون ابو مريم نزل اجازه
الاب
بنتي راحت فين يا وداد البنت راحت فين
وداد
دي بقى تسال عليها المحروسه بنتك لما ترجع انت لو رجعت مع اني شكة انها هربت مع واحد بتحبه..
الاب
اخرسي قطع لسانك أنا بنتي متربية كويس
وداد
انا نزلت اعلان وهنشوف بنتك راحت فين ووقتها هنشوف مين اللي هيقطع لسان التاني
الاب
ولا لسه هستنى الاعلان انا لازم ادور على بنتي بنفسي كنت مصدقك ان العريس كويس وفي الاخر اتاكد انه مدمن ومسجل خطړ... وكنت عايزه تتجوزي البنت عشان تخلصي منها.... اصبري عليا انا هعرف حسابي معاكي...
وداد بتوتر.. انت بتقول
