صغيرتي

انتي كويسة 
صدقيني مش عارفة حتي اقولك ايه محتارة ومتضايقة وعايزة اعيط واهرب من كل دا مي انا فعلا خاېفة جدا ومحتاجة اعيط محتاجة جدا اتطمن انا عايزة اعيط ...اعيط كتير لحد مااهدا ... انا .... انا مش عارفة اقول ايه حتي بس اعتقد اني كده كويسة 
ليه الحياة مش بسيطةليه الواحد لازم يعيش في صراع كل يوم هو يستحق يتحب ولا لا ليه لازم ابذل مجهود عشان اكسب اللي بحبهم هو ليه اعيش مع حد وانا معرفش حتي مشاعره ناحيتي ايه هو ليه كل دا انا عايزة ارجع لحياتي الاول بنت بسيطة من أسرة متوسطة خلصت درستها واتخرجت من كلية تربية قسم لغة عربية واتخطبت لواحد مناسب وكان مناسب من كل المقاييس وبعد ٤ شهور اتجوزنا ...كل حاجة كانت مثالية  وشخصيتي كمان هو راجل بكل معني الكلمة ومحترم بين الكل وبيحب عايلتي كل حاجة كانت مثالية لحد مااتجوزنا بدأت الخلافات تظهر ...ماما قالتلي إن أول سنة جواز هي اصعب سنة وبتكون فيها خلافات كتيرة والست العاقلة هي اللي هتقدر تحتوي جوزها في الوقت دا .... بس هي مقالتيش اني المشاكل هتكون متعبة للشكل دا

الغدا جاهز 
اه ..هحطه علي السفرة 
تمام
عايز شاي 
حاضر 
انا كنت هطبقه بس ...
من غير بس ... انا بكره الفوضي 
حاضر هنضف الدنيا
صحبتي عزمتني علي فرحها و...
حقيقي مشغول وتعبان والله 
طيب 
طيب والله لادخل بالجزمة وابقي انطقي حتي
عايزة اروح عند اهلي اسبوع 
طيب 
انت بارد كده ليه
نعم 
مفيش انا هغور أنام 
انا نازل اقابل اصحابي عايزة حاجة 
انت متجوزني ليه وانت طول الوقت في الشغل ومع اصحابك 
يعني هقعد جارك يعني 
وانا اعمل ايه يعني انا هتجنن لوحدي 
كلمي اهلك وأصحابك 
دي بقيت حاجة تقرف كان مالي انا بالجواز والقرف 
عايز اشتري لبس 
الفلوس جوا عندك 
لا عايزة الفين زيادة 
ليه أن شاء الله 
كده مزاج 
قولت زفت مليون مرة مش بحب الاكل الحادق مش بتفهمي 
نسيت والله 
متجوزين من اربع شهور وكل شوية غلطة شكل انا قرفت
وانا برضوا قرفت انا عايزة أطلق دي عيشة تقرف ...انت واحد عايش لنفسك وبس مش فارق معاك اللي مرمية في البيت دي انت كمان مش بتتفاهم مفكر نفسك الصح وعصبي ومهمل و ....
علي أساس