العالم الاخر
قومت من النوم ع نفس الحال، قعدت فترة بلمح خيالات التلات اشباح دول حواليا، مبقتش عارف دا من تأثير الاحلام دي ولا لا؟!.
عدت الايام و اتجوزت، بعد شهر من جوازي حلمت شبح منهم داخل عليا اوضة النوم ومعاه طفل شبهه بالظبط، والشبح بيقولي:
_ مش هتباركلي.. انا جيبته يتعرف عليك.. داحنا عشرة عمر ولا نسيت؟!.
انا متكلمتش، لقيت الطفل دا جيه يتنطط ع سرير، ومسك ايدي، حاول يعضها، روحت زقيته ومسكت ايده انا عضيتها، صحيت لاقيت بوقي فيه احساس أن لسه عاضض حد!.
و حلمت حلم تاني أن داخل بيت والدي، اختى وابن خالي واقفين وست وراهم معاها كيس فيه دهان، دهنت ليهم علي رقابتهم، أول ما جت تعمل معايا كدا زقيتها ع الأرض و خدت الكيس دلقته علي وشها، لأقيت شكلها اتغير وصړخت صړخة قومت مڤزوع بسببها ..
ع طول حاسس ان في حد جنبي من وقت ما بدأت أحلم بالأشباح التلاتة، دايما حاسس اني متراقب أو في حد معايا ف اي مكان بكون فيه حتي لما بصلي لوحدي.
عاوز اقولك كمان أن بعد مابعتلك الرسايل الصبح، شوفت حلم تاني فيه نفس الأشباح التلاتة، كانوا باصينلي پغضب شديد.. نظرة مرعبة جداً، وسابوني ومشيوا و صحيت من النوم علي كدا، من وقتها وانا همدان بطريقة غير طبيعية و لا عارف انام ولا اقوم..
أنا خاېف ليكونوا رجعولي مرة تانية لما كشفت امرهم وحكيتلك عليهم.. ربنا يستر.
تمت.
كالعادة تجربة حقيقة حدثت بالفعل لمتابع معانا هنا، هو بيتمنى يلاقي تفسير للي بيحصله.
لو عجبتك القصة فصلى على حبيبك النبي صلى الله عليه وسلم 🌹 🌹
